ആർ.എൽ.വി രാമകൃഷ്ണനെ അധിക്ഷേപിച്ച കേസ്; സത്യഭാമയ്ക്ക് ജാമ്യം

എറണാകുളം: ആർ.എൽ.വി രാമകൃഷ്ണനെ ജാതീയമായി അധിക്ഷേപിച്ചെന്ന കേസിൽ നർത്തകി സത്യഭാമക്ക് ജാമ്യം ലഭിച്ചു. കർശന ഉപാധികളോടെയാണ് ജാമ്യം. നെടുമങ്ങാട് എസ്.സി/എസ്.ടി കോടതിയാണ് ജാമ്യം അനുവ​ദിച്ചത്.

പോലീസ് ആവശ്യപ്പെടുന്ന മുറയ്ക്ക് അന്വേഷണ ഉദ്യോഗസ്ഥന്റെ മുൻപിൽ ഹാജരാകാണം. സമാനകുറ്റ കൃത്യം ആവർത്തിക്കരുത്. സാക്ഷികളെ സ്വാധീനിക്കാൻ ശ്രമിക്കരുത്. തുടങ്ങിയവയാണ് ജാമ്യവ്യവസ്ഥകൾ.

പറഞ്ഞത് തൊഴിലിന്റെ ഭാ​ഗമായുള്ള കാര്യങ്ങളാണെന്ന് സത്യഭാമ കോടതിയിൽ പറഞ്ഞു.