ആവേശം വാനോളം; ഭാരത് ജോഡോ യാത്ര ഇന്ന് ആലപ്പുഴ ജില്ലയിൽ

ആലപ്പുഴ: രാഹുൽ ഗാന്ധി നയിക്കുന്ന ഭാരത് ജോഡോ യാത്ര ഇന്ന് ആലപ്പുഴ ജില്ലയിൽ പ്രവേശിക്കും. രാവിലെ എട്ടിന് കൊല്ലം ജില്ലാ അതിർത്തിയായ കൃഷ്ണപുരത്ത് വെച്ചാണ് രാഹുൽ ഗാന്ധിയെ ആലപ്പുഴ ജില്ലാ കോൺഗ്രസ് കമ്മിറ്റി സ്വീകരിക്കുക. അടുത്ത മൂന്ന് ദിവസം യാത്ര ജില്ലയിലൂടെ കടന്നുപോകും. ഇന്നത്തെ പദയാത്ര ചേപ്പാട് NTPCയിലാണ് അവസാനിക്കുക. ചൊവ്വാഴ്ച വൈകിട്ടാണ് ജില്ലയിലെ പര്യടനം അവസാനിക്കുക.

രാഹുൽ ഗാന്ധിയുടെ നേതൃത്വത്തിൽ 150 ദിവസത്തെ ഭാരത് ജോഡോ യാത്രയ്ക്ക് സെപ്തംബർ ഏഴിന് തമിഴ്നാട്ടിലെ കന്യാകുമാരിയിലാണ് തുടക്കം കുറിച്ചത്. തമിഴ്നാട്ടിലെ പര്യടനം പൂർത്തിയാക്കി ജാഥ ഇന്നലെയാണ് കേരളത്തിൽ പ്രവേശിച്ചത്. സംസ്ഥാനത്ത് ഏഴു ജില്ലകളിലൂടെയാണ് യാത്ര കടന്നുപോകുന്നത്.

Bharat Jodo Yatra today in Alappuzha district