തൃശൂരിൽ പോത്തിന്റെ പരാക്രമം; വ്യാപാര സമുച്ചയത്തിൽ ഓടിക്കയറി, നിരവധിപേരെ കുത്തി പരിക്കേൽപ്പിച്ചു
ഒന്നര മണിക്കൂറോളമാണ് പോത്ത് നഗരത്തിൽ ഭീകരാന്തരീക്ഷം സൃഷ്ടിച്ചത്.
തൃശൂർ: ശങ്കരയ്യർ റോഡിൽ പോത്തിന്റെ പരാക്രമം. വ്യാപാര സമുച്ചയത്തിലേക്ക് ഓടിക്കയറിയ പോത്ത് നിരവധി പേരെ കുത്തി പരിക്കേൽപ്പിക്കുകയും വാഹനങ്ങൾ ഇടിച്ച് തകർക്കുകയും ചെയ്തു. ഫയർ ഫോഴ്‌സും പൊലിസും സ്ഥലത്തെത്തിയാണ് പോത്തിനെ പിടിച്ചുകെട്ടിയത്. ഒന്നര മണിക്കൂറോളമാണ് പോത്ത് നഗരത്തില്‍ ഭീകരാന്തരീക്ഷം സൃഷ്ടിച്ചത്.
വ്യാപാര സമുച്ചയത്തിൽ ഓടിക്കയറിയ പോത്ത് ആദ്യം കണ്ടവരെ കുത്തി വീഴ്ത്തി. വീണവരുടെ ദേഹത്ത് ചവിട്ടി ഓടി. വാഹനങ്ങൾ ഇടിച്ച് തകർത്തു. തൃശൂര്‍ നഗരത്തില്‍ വളരെ തിരക്കുള്ള എം.ജി റോഡിനോട് ചേര്‍ന്നാണ് സംഭവം. പോത്തിന് പുറത്തേക്കിറങ്ങാന്‍ കഴിയാതിരുന്നത് വലിയ അപകടം ഒഴിവാക്കി.
Next Story
Adjust Story Font
16
