ചെറുവണ്ണൂരിൽ കോൺഗ്രസ് - ഡിവൈഎഫ്ഐ സംഘര്‍ഷം
ഡിവൈഎഫ്ഐ പ്രവർത്തകർ പൊലീസുകാരെ മർദിച്ചു
കോഴിക്കോട്: കോഴിക്കോട് ചെറുവണ്ണൂരിൽ കോൺഗ്രസ് - ഡിവൈഎഫ്ഐ പ്രവർത്തകർ ഏറ്റുമുട്ടി. പ്രതിഷേധ മാർച്ചുകൾക്കിടയിലായിരുന്നു സംഘർഷം.ഡിവൈഎഫ്ഐ പ്രവർത്തകർ പൊലീസുകാരെ മർദിച്ചു.
പേരാമ്പ്ര നൊച്ചാട് സി പി എം - കോൺഗ്രസ് സംഘർഷത്തെ തുടർന്നുണ്ടായ കല്ലേറിൽ 3 പൊലീസ്കാർക്കും ഡിവൈഎഫ്ഐ പ്രവർത്തകർക്കും പരിക്കേറ്റു. പൊലീസ് ഗ്രനൈഡ് പ്രയോഗിച്ചു. ഗ്രനേഡ് പതിച്ച് ഡിവൈഎഫ്ഐ പ്രവര്‍ത്തകന് കൈക്ക് പരിക്കേറ്റു.
പാലേരിയിൽ കോൺഗ്രസ് പ്രവർത്തകരെ സി പി എം പ്രവർത്തകർ മർദ്ദിച്ചതിൽ പ്രതിഷേധിച്ച് നാളെ ചങ്ങരോത്ത് പഞ്ചായത്തിൽ യുഡിഎഫ് ഹർത്താലിന് ആഹ്വാനം ചെയ്തു. കോതമംഗലത്തും,മലപ്പുറത്തും ദേശീയപാത ഉപരോധിച്ചായിരുന്നു പ്രതിഷേധം.ത്യശ്ശൂരില്‍ കറുത്ത തുണി തലയില്‍ കെട്ടി മേയറുടെ ചേംമ്പറില്‍ കയറി കോണ്‍ഗ്രസ് കൌണ്‍സിലര്‍മാര്‍ പ്രതിഷേധിച്ചു. അടിച്ചാല്‍ തിരിച്ചടിക്കാനാണ് തീരുമാനമെന്ന് കെ മുരളീധരന്‍ എംപി പറഞ്ഞു
സിപിഎം ആക്രമണങ്ങളില്‍ പ്രതിഷേധിച്ച് കോണ്‍ഗ്രസ് ആഹ്വാനം ചെയ്ത കരിദിനത്തില്‍ കേരളം സംഘര്‍ഷഭൂമിയായി. പലയിടത്തും പോലീസും പ്രതിഷേധക്കാരും തമ്മില്‍ ഏറ്റുമുട്ടി. യൂത്ത് കോണ്‍ഗ്രസ് ഇടുക്കി ജില്ലാ സെക്രട്ടറി ബിലാല്‍ സമദിന്‍റെ കണ്ണിന് ഗുരുതര പരുക്കേറ്റു. കോഴിക്കോട് ജില്ലയുടെ വിവിധ ഭാഗങ്ങളില്‍ കോണ്‍ഗ്രസ് സിപിഎം പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ നിരവധി പ്രവര്‍ത്തകര്‍ക്കും പൊലീസുകാര്‍ക്കും പരിക്കേറ്റു.
കോണ്‍ഗ്രസ് ആഹ്വാനം ചെയ്ത കരിദിനത്തോടനുബന്ധിച്ച് സംസ്ഥാന വ്യാപകമായി നടന്ന പ്രതിഷേധങ്ങള്‍ സംഘര്‍ഷത്തിലാണ് കലാശിച്ചത്. തിരുവനന്തപുരം ഇലിപ്പോട് മുഖ്യമന്ത്രിയുടെ വാഹനത്തിന് നേരെ പ്രതിഷേധക്കാര്‍ ചീമുട്ടയെറിഞ്ഞു. കോണ്‍ഗ്രസ് - സിപിഎം പ്രവര്‍ത്തകരും പലയിടത്തും ഏറ്റുമുട്ടി
സംഘര്‍ഷങ്ങളുടെ തലസ്ഥാനം ഇന്നും തിരുവനന്തപുരമായിരുന്നു. മുഖ്യമന്ത്രിയുടെ വാഹനത്തിന് നേരെ ചീമുട്ടയെറിഞ്ഞും,കരിങ്കൊടി കാണിച്ചും,സെക്രട്ടേറിയേറ്റ് ഉപരോധിച്ചുമെക്കെയാണ് കോണ്‍ഗ്രസ് പ്രതിഷേധം തീര്‍ത്തത്.
ഇടുക്കിയില്‍ പോലീസും പ്രവര്‍ത്തകരും തമ്മില്‍ പലവട്ടം ഏറ്റുമുട്ടി,നാല് പേര്‍ക്ക് പരുക്കേറ്റു.ബിലാല്‍ സമദിന്‍റെ കണ്ണിനേറ്റ പരുക്ക് ഗുരുതരമാണ്.
പാലക്കാട് ചെര്‍പ്പുളശ്ശേരിയില്‍ മഹിളാ കോണ്‍ഗ്രസിന്‍റെ പ്രതിഷേധ പരിപാടിയിലേക്ക് സിപിഎം പ്രവര്‍ത്തകര്‍ തള്ളികയറാന്‍ ശ്രമിച്ചതോടെ കോണ്‍ഗ്രസ് പ്രവര്‍ത്തകര്‍ പ്രതിരോധിച്ചു,പോലീസ് ലാത്തി വീശി
Adjust Story Font
16
