അമൽ ജ്യോതിയിലെ വിദ്യാർഥിനിയുടെ മരണം; ആത്മഹത്യാ കുറിപ്പ് കണ്ടെത്തിയെന്ന് കോട്ടയം പൊലീസ് മേധാവി

കോട്ടയം: കാഞ്ഞിരപ്പള്ളി അമൽജ്യോതി കോളജിൽ മരിച്ച ശ്രദ്ധ സതീഷിന്റെ ആത്മഹത്യാക്കുറിപ്പ് കണ്ടെത്തിയെന്ന് കോട്ടയം ജില്ല പൊലീസ് മേധാവി. ആത്മഹത്യ ചെയ്യാനുള്ള കാരണങ്ങൾ കത്തിൽ പറയുന്നില്ല. കാരണം കണ്ടെത്താൻ സമഗ്ര അന്വേഷണം നടത്തുമെന്നും കോട്ടയം എസ്.പി കെ കാർത്തിക് പറഞ്ഞു.

പോലീസ് അന്വേഷണത്തിൻ്റെ ആദ്യഘട്ടത്തിൽ തന്നെ ആത്മഹത്യാ കുറിപ്പ് കണ്ടെത്താനായി. എന്നാൽ ആത്മഹത്യ ചെയ്യുന്നതിൻ്റെ കാരണങ്ങൾ കത്തിൽ വ്യക്തമാക്കിയിട്ടില്ല. ക്രൈംബ്രാഞ്ച് അന്വേഷണത്തിൽ കാരണം കണ്ടെത്താനുള്ള സമഗ്ര അന്വഷണം നടത്തും.

നിലവിൽ മറ്റൊരു കേസിൻ്റെ അന്വേഷണവുമായി ബന്ധപ്പെട്ട് ചെന്നൈയിലുള്ള ക്രൈംബ്രാഞ്ച് ഡി.വൈ.എസ്.പി അടുത്ത ദിവസങ്ങളിലെ കേസ് ഏറ്റെടുക്കുകയുള്ളൂ. അതേസമയം കോളജിൽ ഇന്ന് ഓൺലൈനായി ക്ലാസുകൾ ആരംഭിച്ചു. തിങ്കളാഴ്ചയോടെ സാധാരണ നിലയിൽ ക്ലാസുകൾ ആരംഭിക്കാനാണ് തീരുമാനം.

Watch Video Report