സംവിധായകന്‍ സച്ചിയുടെ മാതാവ് അന്തരിച്ചു

തൃശൂര്‍: വിട പറഞ്ഞ സംവിധായകനും തിരക്കഥാകൃത്തുമായ സച്ചിയുടെ മാതാവ് ദാക്ഷായണി (81) അന്തരിച്ചു. തൃശൂർ,മൂന്നുപീടിക ഗാർഡിയൻ ആശുപത്രിയിൽ വച്ച് ഹൃദയാഘാതത്തെ തുടർന്നായിരുന്നു അന്ത്യം.

അന്തിമോപചാരമർപ്പിക്കുന്നതിനായി വ്യാഴാഴ്ച രാവിലെ 10 മണി വരെ പെരിഞ്ഞനത്തുള്ള മകളുടെ വസതിയിലും 12 മണി മുതൽ 3 മണി വരെ തൃപ്പൂണിത്തുറയിലെ സച്ചിയുടെ വസതിയിലും മൃതദേഹം പൊതുദര്‍ശനത്തിന് വയ്ക്കും. വൈകിട്ട് 3ന് തൃപ്പൂണിത്തുറ പൊതുശ്മശാനത്തില്‍ സംസ്കാരം നടക്കും.