മാമി തിരോധാനകേസ്: ഡ്രൈവർ രജിത് കുമാറിനെ ഗുരുവായൂരിൽ നിന്ന് കണ്ടെത്തി
നാട് വിട്ടത് മനസമാധാനത്തിന് വേണ്ടിയെന്ന് രജിത് കുമാർ
കോഴിക്കോട്: മാമി തിരോധാനകേസിൽ ക്രൈംബ്രാഞ്ച് ചോദ്യം ചെയ്തതിന് പിന്നാലെ കാണാതായ ഡ്രൈവർ രജിത് കുമാറിനേയും ഭാര്യ സുഷാരയെയും കണ്ടെത്തി. ഗുരുവായൂരിലെ ലോഡ്ജിൽ നിന്നാണ് ഇരുവരെയും പൊലീസ് കസ്റ്റഡിയിലെടുത്തത്. ഇരുവരെയും കണ്ടെത്താൻ പോലീസ് ഇന്ന് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.
മനസമാധാനം ഇല്ലാത്തത് കൊണ്ടാണ് ഗുരുവായൂരിലേക്ക് പോയതെന്ന് രജിത് കുമാർ മീഡിയ വണ്ണിനോട് പറഞ്ഞു. പ്രതികളെക്കാൾ പീഡനമാണ് തനിക്കെന്നും, ചെയ്യാത്ത തെറ്റിനാണ് അനുഭവിക്കുന്നതെന്നും രജിത് പറഞ്ഞു.
ഇരുവരുടെയും ഫോട്ടോ അടക്കമുള്ള നോട്ടീസാണ് ഇന്ന് പോലീസ് പുറത്തിറക്കിയിരുന്നത്. കോഴിക്കോട് കെഎസ്ആർടിസി സ്റ്റാൻഡ് പരിസരത്തുള്ള ഹോട്ടലിലാണ് ഇവർ കഴിഞ്ഞിരുന്നത്. അവിടെ നിന്നും ഒരു ഓട്ടോറിക്ഷയിൽ ഇരുവരും മടങ്ങുന്ന സിസിടിവി ദൃശ്യങ്ങൾ പൊലീസിന് ലഭിച്ചിരുന്നു. തുടർന്ന് നടത്തിയ അന്വേഷണത്തിലാണ് ഇവരെ കണ്ടെത്തിയത്.
Adjust Story Font
16
