ഡി.വൈ.എഫ്.ഐ കോഴിക്കോട് ജില്ലാ കമ്മിറ്റി ജെന്റർന്യൂട്രൽ സെവൻസ് ഫുട്ബോൾ ടൂർണമെന്റ് സംഘടിപ്പിച്ചു

കോഴിക്കോട്: ലോകകപ്പ് ആരവങ്ങളിൽ പങ്കുചേർന്ന് ഡി.വൈ.എഫ്ഐ കോഴിക്കോട് ജില്ലാ കമ്മിറ്റി ജെന്റർന്യൂട്രൽ സെവൻസ് ഫുട്ബോൾ ടൂർണമെന്റ് സംഘടിപ്പിച്ചു. കാരപ്പറമ്പ് ടർഫിൽ നടന്ന മത്സരത്തിൽ 17 ബ്ലോക്ക് കമ്മിറ്റിയുടെയും ജില്ലാ സെക്രട്ടറിയേറ്റ് ടീമുമടക്കം 18 ടീമുകൾ പങ്കെടുത്തു. മുൻ സംസ്ഥാന സെക്രട്ടറി എ പ്രദീപ് കുമാർ ഉദ്ഘാടനം ചെയ്തു.

ജില്ലാ പ്രസിഡന്റ് എൽ ജി ലിജീഷ് അധ്യക്ഷനായി. സംസ്ഥാന കമ്മിറ്റിയംഗങ്ങളായ കെ അരുൺ, കെ ഷെഫീഖ്, കെ എം നിനു, ദിപു പ്രേംനാഥ് എന്നിവർ സംസാരിച്ചു. ജില്ലാ സെക്രട്ടറി പി.സി ഷൈജു സ്വാഗതം പറഞ്ഞു.