ഈശോ സഭാ വൈദികനും എഴുത്തുകാരനുമായ ഫാദർ അബ്രഹാം അടപ്പൂർ അന്തരിച്ചു

ഈശോ സഭാ വൈദികനും എഴുത്തുകാരനുമായ ഫാദർ അബ്രഹാം അടപ്പൂർ അന്തരിച്ചു. 96 വയസായിരുന്നു. ഫാദർ അടപ്പൂരിന്റെ എഴുത്തുകളിലൂടെയാണ് മദർ തെരേസയെ കേരളം അറിയുന്നത്. അമേരിക്ക, ഫ്രാൻസ് എന്നിവിടങ്ങളിൽ ഉന്നത വിദ്യാഭ്യാസം നേടിയ അദ്ദേഹം 1944 ൽ ഈശോ സഭയിൽ അംഗമായി. 1959 ൽ വൈദികനുമായി.

റോമിൽ ഈശോ സഭയുടെ റീജിയണൽ സെക്രട്ടറിയായി പ്രവർത്തിച്ചു. മാർക്‌സിസവുമായി സംവാദത്തിൽ ഏർപ്പെട്ടിരുന്ന അടപ്പൂരാണ് ടി.വി തോമസ് അന്ത്യകൂദാശ സ്വീകരിക്കാൻ തയാറായെന്ന വെളിപ്പെടുത്തൽ നടത്തിയത്.

കോഴിക്കോട് മലാപറമ്പ് ക്രൈസ്റ്റ് ഹാൾ ചർച്ചിൽ തിങ്കളാഴ്ച രാവിലെയാണ് സംസ്‌കാരം.