സാമ്പത്തിക ക്രമക്കേട്: സി.പി.എം കാസർകോട് ജില്ലാ കമ്മിറ്റി അംഗത്തെ തരംതാഴ്ത്തും

കാസർകോട്: സാമ്പത്തിക ക്രമക്കേടിനെ തുടർന്ന സി.പി.എം.കാസർകോട് ജില്ലാ കമ്മിറ്റിഅംഗത്തെ തരംതാഴ്ത്താൻ തീരുമാനം. കിനാനൂർ-കരിന്തളം ഗ്രാമപ്പഞ്ചായത്ത് പ്രസിഡന്റ് കൂടിയായ ടി.കെ. രവിയെയാണ് തരം താഴ്ത്തുന്നത്. നീലേശ്വരം ഏരിയ സെക്രട്ടറിയായിരിക്കെ പാർട്ടി ഓഫീസമായി ബന്ധപ്പെട്ട് നടന്ന സാമ്പത്തിക ക്രമക്കേടിലാണ് നടപടി.

രണ്ടു വർഷം മുൻപ് മറ്റൊരു സാമ്പത്തിക ഇടപാട് വിഷയത്തിൽ പാർട്ടി ടി.കെ രവിയെ താക്കീത് ചെയ്തിരുന്നു. ഇ ചന്ദ്രശേഖരൻ എം.എൽ.എ യെ ആക്രമിച്ച ബി.ജെ.പി, ആർ.എസ്.എസ് പ്രതികൾക്ക് വേണ്ടി ടി.കെ രവി കോടതിയിൽ കൂറുമാറിയ സംഭവവും വിവാദമായിരുന്നു.