കുവൈത്തിലെ തീപിടിത്തം; നോർക്ക ഹെൽപ്പ് ഡസ്‌ക്ക് തുടങ്ങി

കുവൈത്ത് സിറ്റി: മംഗഫിൽ ഫ്‌ളാറ്റ് സമുച്ചയത്തിലുണ്ടായ തീപിടിത്തത്തിന്റെ സാഹചര്യത്തിൽ നോർക്ക റൂട്ട്‌സ് ഹെൽപ്പ് ഡെസ്‌ക് തുടങ്ങി. അടിയന്തര സഹായത്തിനായി, മുഖ്യമന്ത്രിയുടെ നിർദ്ദേശത്തെ തുടർന്നാണ് നടപടി.

നമ്പരുകൾ:-

അനുപ് മങ്ങാട്ട് +965 90039594

ബിജോയ്‌ +965 66893942

റിച്ചി കെ ജോർജ് +965 60615153

അനിൽ കുമാർ +965 66015200

തോമസ് ശെൽവൻ +965 51714124

രഞ്ജിത്ത് +965 55575492

നവീൻ +965 99861103

അൻസാരി +965 60311882

ജിൻസ് തോമസ് +965 65589453,

സുഗതൻ - +96 555464554, ജെ.സജി - + 96599122984.

കേരളത്തിൽ നിന്നുള്ള പ്രവാസികൾക്ക്, 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) ബന്ധപ്പെടാവുന്നതാണ്.

അപകടത്തിൽ മലയാളികൾ ഉൾപ്പെടെ നിരവധി പേർക്ക് ജീവൻ നഷ്ടമായതിൽ മുഖ്യമന്ത്രി പിണറായി വിജയൻ അനുശോചനം അറിയിച്ചു. അപകടത്തിൽപെട്ടവർക്ക് അടിയന്തര സഹായം ലഭ്യമാക്കണമെന്നാവശ്യപ്പെട്ട് മുഖ്യമന്ത്രി കേന്ദ്ര വിദേശകാര്യ വകുപ്പ് മന്ത്രിയ്ക്ക് കത്തയച്ചിട്ടുണ്ട്. പരിക്കേറ്റവരുടെ തുടർചികിത്സയ്ക്കും മറ്റ് അടിയന്തിര സഹായങ്ങൾക്കുമായി കുവൈറ്റിലെ മലയാളി അസ്സോസിയേഷനുകളുമായും ലോക കേരളാ സഭാ അംഗങ്ങളുമായും നിരന്തര സമ്പർക്കത്തിലാണെന്നാണ് നോർക്ക റൂട്ട്‌സ് റസിഡന്റ് വൈസ് ചെയർമാൻ പി. ശ്രീരാമകൃഷ്ണൻ അറിയിക്കുന്നത്. അപകടത്തിൽ എത്ര മലയാളികൾക്കാണ് ജീവൻ നഷ്ടമായതെന്നത് സംബന്ധിച്ച് ഔദ്യോഗിക വിവരങ്ങൾക്കായി ശ്രമിച്ചുവരികയാണെന്ന് നോർക്ക റൂട്ട്‌സ് സി.ഇ.ഒ അജിത്ത് കോളശ്ശേരിയും വ്യക്തമാക്കി.