മുൻ ഹരിയാന മുഖ്യമന്ത്രി ഓം പ്രകാശ് ചൗട്ടാല അന്തരിച്ചു

ഗുരുഗ്രാം: മുൻ ഹരിയാന മുഖ്യമന്ത്രി ഓം പ്രകാശ് ചൗട്ടാല അന്തരിച്ചു. 89 വയസായിരുന്നു. ഗുരുഗ്രാമിലെ വസതിയിലാണ് അന്ത്യം. ഹൃദയസ്തംഭനത്തെത്തുടർന്ന് ആശുപത്രിയിലെത്തിച്ചെങ്കിലും മരണത്തിന് കീഴടങ്ങുകയായിരുന്നു.

നാല് തവണ ഹരിയാന മുഖ്യമന്ത്രിയായ ചൗട്ടാല ഏഴ് തവണ എംഎൽഎയുമായിട്ടുണ്ട്. 1935ൽ ജനിച്ച ചൗട്ടാല മുൻ ഇന്ത്യൻ ഉപപ്രധാനമന്ത്രി ചൗധരി ദേവി ലാലിന്റെ മകനാണ്.

ഹരിയാനയിൽ ടീച്ചർമാരുടെ നിയമനവുമായി ബന്ധപ്പെട്ട തട്ടിപ്പിൽ 2013ൽ പത്ത് വർഷത്തെ തടവ് ശിക്ഷക്ക് വിധിക്കപ്പെട്ട ചൗട്ടാല 2021ലാണ് ജയിൽ മോചിതനായത്.