മുൻ മന്ത്രിയും കോൺഗ്രസ് നേതാവുമായ ഡോ. എം.എ. കുട്ടപ്പൻ അന്തരിച്ചു

കൊച്ചി: മുൻ മന്ത്രിയും കോൺഗ്രസ് നേതാവുമായ ഡോക്ടർ എം.എ. കുട്ടപ്പൻ അന്തരിച്ചു. 75 വയസായിരുന്നു. ഇന്നലെ രാത്രി 10.45 സ്വകാര്യ ആശുപത്രിയിൽ വെച്ചായിരുന്നു അന്ത്യം. നാല് തവണ നിയമസഭാംഗമായിരുന്നു. 2001ലെ ആന്റണി മന്ത്രിസഭയിൽ പിന്നോക്ക ക്ഷേമ വകുപ്പ് മന്ത്രി ആയിരുന്നു.

എട്ട് വർഷം മുൻപ് കുറവിലങ്ങാട്ട് എം.എ.ജോൺ അനുസ്മരണ സമ്മേളനത്തിൽ പ്രസംഗിക്കവെ കുഴഞ്ഞുവീണ കുട്ടപ്പൻ അന്നുമുതൽ കിടപ്പിലായിരുന്നു. മൃതദേഹം ബുധനാഴ്ച രാവിലെ 11 വരെ എറണാകുളം ഡിസിസി ഓഫിസിൽ പൊതുദർശനത്തിനു വെക്കും. സംസ്കാരം വൈകിട്ട് നാലിന് പച്ചാളം ശ്മശാനത്തിൽ വെച്ച് നടക്കും.