'പൊലീസ് വണ്ടി തല്ലിപ്പൊളിച്ചിട്ടേ ഞാൻ കയറൂ...' കത്തി വീശി ഗുണ്ടയുടെ പരാക്രമം

തൃശൂർ: പുത്തൻപീടികയിൽ പൊലീസിന് നേരെ കത്തി വീശി ഗുണ്ടാ ആക്രമണം. പാടൂർ കുണ്ടഴിയൂർ സ്വദേശി സിയാദാണ് ആക്രമണം നടത്തിയത്. നിരവധി ക്രിമിനൽ കേസുകളിൽ പ്രതിയായ സിയാദിനെ അന്തിക്കാട് പൊലീസ് അറസ്റ്റ് ചെയ്തു.

കസ്റ്റഡിയിലെടുക്കാൻ പൊലീസ് വന്നപ്പോൾ ഇയാൾ കത്തി വീശുകയായിരുന്നു. കത്തി മാറ്റാൻ നിരവധി തവണ പൊലീസ് സംഘം ആവശ്യപ്പെട്ടു. പൊലീസ് ജീപ്പിൽ കയറില്ലെന്നും വണ്ടി തല്ലിപ്പൊളിക്കുമെന്നും ഇയാൾ ഭീഷണിപ്പെടുത്തി. 32 ക്രിമിനൽ കേസുകളിലെ പ്രതിയാണ് ഇയാളെന്ന് പൊലീസ് പറഞ്ഞു.