കുപ്പിവെള്ള വ്യാപാരത്തിന്‍റെ മറവില്‍ ലഹരിക്കച്ചവടം; രണ്ട് പേര്‍ അറസ്റ്റില്‍

പാലക്കാട് ചന്ദ്രനഗറിൽ ഹാൻസ് ഗോഡൗൺ കണ്ടെത്തി. 1000 കിലോ ഹാൻസാണ് ഗോഡൌണില്‍ നിന്ന് പിടിച്ചെടുത്തത്. കുപ്പിവെള്ള വ്യാപാരത്തിന്‍റെ മറവിലായിരുന്നു ഹാൻസ് കച്ചവടം നടന്നത്.പിരായിരി സ്വദേശി സിറാജ് , കിണാശേരി സ്വദേശി കലാധരൻ എന്നിവരെ എക്‌സൈസ് ഐ ബി അറസ്റ്റ് ചെയ്തു.

ചന്ദ്രനഗറിലെ കനാൽക്കരയിൽ ഇരുനില വീട് വാടകയ്ക്കെടുത്തായിരുന്നു ലഹരിക്കച്ചവടം. തമിഴ്നാട്ടിലെ പൊള്ളാച്ചിയിൽ നിന്നും പച്ചക്കറി വണ്ടിയിലെത്തിച്ച ഹാൻസ് ചെറുകിട കച്ചവടക്കാർക്ക് കൈമാറുന്നതിനായാണ് ഗോഡൗണിൽ സൂക്ഷിച്ചത്.