എനിക്ക് ആർ.എസ്.എസ് ബന്ധമില്ല, തീവ്ര ഹിന്ദു: സ്വപ്നയുടെ അഭിഭാഷകന്‍ കൃഷ്ണരാജ്
ആര്.എസ്.എസും വി.എച്ച്.പിയും തീവ്രമല്ലെന്നും തീവ്രമായ ഹിന്ദുത്വത്തില്‍ വിശ്വസിക്കുന്ന ഒരാളാണ് താനെന്നും അഭിഭാഷകന്‍ കൃഷ്ണരാജ്
കൊച്ചി: താനൊരു തീവ്ര ഹിന്ദുവാണെന്നും ആർ.എസ്.എസ് ബന്ധമില്ലെന്നും സ്വപ്നയുടെ അഭിഭാഷകന്‍ അഡ്വ. കൃഷ്ണരാജ്. ഞാന്‍ സ്വാഭിമാനമായി തീവ്രമായി ഹിന്ദുവാണ്. എനിക്ക് ആര്.എസ്.എസുമായി ബന്ധമില്ല.ആര്.എസ്.എസും വി.എച്ച്.പിയും തീവ്രമല്ലെന്നും തീവ്രമായ ഹിന്ദുത്വത്തില്‍ വിശ്വസിക്കുന്ന ഒരാളാണ് താനെന്നും അഭിഭാഷകന്‍ അഡ്വ. കൃഷ്ണരാജ് പറഞ്ഞു.ഒരു സംഘടനയിലും അംഗമല്ല. മുപ്പത് വര്‍ഷമായി അഭിഭാഷകനായ താന്‍ ആര് കേസുമായി വന്നാലും എടുക്കുമെന്നും കൃഷ്ണരാജ് പറഞ്ഞു.
കെ.പി യോഹന്നാൻ്റെ ജീവനക്കാരൻ എന്ന നിലയിലാണ് ഷാജ് കിരൺ സ്വപ്നയെ പരിചയപ്പെടുന്നതെന്നും കൃഷ്ണരാജ് പറഞ്ഞു. പിണറായിയുടെയും കോടിയേരിയുടെയും വിദേശ നിക്ഷേപം കെ.പി യോഹന്നാൻ കൈകാര്യം ചെയ്യുന്നു എന്ന് പറഞ്ഞതായും കൃഷ്ണരാജ് ആരോപിച്ചു. പിണറായി വിജയന്‍റെയും കോടിയേരി ബാലകൃഷ്ണന്‍റെയും ബിനാമി ഇടപാടുകളെക്കുറിച്ച് ഷാജ് കിരൺ പറയുന്ന ശബ്ദരേഖയുണ്ടെന്നും അത് നാളെ പുറത്തുവിടുമെന്നും കൃഷ്ണരാജ് അറിയിച്ചു. ജാമ്യം ലഭിക്കാവുന്ന കേസിൽ പൊലീസ് വേട്ടയാടൽ ഒഴിവാക്കാനാണ് മുൻകൂർ ജാമ്യാപേക്ഷ നൽകിയതെന്നും കൃഷ്ണരാജ് കൂട്ടിച്ചേര്‍ത്തു.
Adjust Story Font
16
