സർട്ടിഫിക്കറ്റുകൾ കാണാതായ സംഭവം: എം.ജി സർവകലാശാല രജിസ്ട്രാർ പൊലീസിൽ പരാതി നൽകി

കോട്ടയം: സർട്ടിഫിക്കറ്റുകൾ കാണാതായ സംഭവത്തിൽ എം.ജി സർവകലാശാല രജിസ്ട്രാർ പൊലീസിൽ പരാതി നൽകി. ഗാന്ധിനഗർ പൊലീസ് സ്റ്റേഷനിലാണ് പരാതി നൽകിയത്. 54 പി.ജി സർട്ടിഫിക്കറ്റുകളാണ് സർവകലാശാല പരീക്ഷാവിഭാഗത്തിൽനിന്ന് കാണാതായത്. സർട്ടിഫിക്കറ്റുകൾ കാണാതായതിൽ മുൻ സെക്ഷൻ ഓഫീസറെയും ഇപ്പോഴത്തെ സെക്ഷൻ ഓഫീസറെയും സസ്‌പെൻഡ് ചെയ്തിരുന്നു.

സംഭവത്തിൽ ജോയിന്റ് രജിസ്ട്രാർ തലത്തിലുള്ള അന്വേഷണം നടന്നുകൊണ്ടിരിക്കുകയാണ്. സർട്ടിഫിക്കറ്റ് കാണാതായ സെക്ഷനിലെ എല്ലാ ജീവനക്കാരെയും അന്വേഷണ കാലയളവിൽ മറ്റു സെക്ഷനുകളിലേക്ക് മാറ്റുകയും ചെയ്തിരുന്നു. ഇതിന് പിന്നാലെയാണ് രജിസ്ട്രാർ പൊലീസിൽ പരാതി നൽകിയിരിക്കുന്നത്.