എത്ര ആധുനികമായാലും എല്ലാം നിയന്ത്രിക്കുന്നത് ദൈവമാണെന്ന സൂചന നൽകുന്നതാണ് കോവിഡ് പോലുള്ള മഹാമാരികൾ: കെ. മുരളീധരൻ

കണ്ണൂർ: എത്രയൊക്കെ ആധുനികമായാലും എല്ലാം നിയന്ത്രിക്കുന്നത് ദൈവമാണെന്ന് കെ മുരളീധരൻ എം.പി. കോവിഡ് മഹാമാരി ദൈവം തന്ന സൂചനയാണ്. ദൈവങ്ങളിൽ നിന്ന് അകലുമ്പോഴാണ് കോവിഡ് പോലുള്ള ചില മഹാമാരികൾ ദൈവം നമുക്ക് കാണിച്ച് തരുന്നതെന്നും ഹജ്ജ് തീർത്ഥടകർക്ക് ക്യാമ്പിൽ നൽകിയ യാത്രയയപ്പ് സമ്മേളനത്തിൽ മുരളീധരൻ പറഞ്ഞു.

പണ്ട് കാലത്ത് എല്ലാവരോടും യാത്ര പറഞ്ഞാണ് ശബരിമലക്കും ഹജ്ജിനുമൊക്കെ പോയിക്കൊണ്ടിരുന്നത്. അന്നത്തെ കാലത്ത് യാത്ര അത്രയേറെ ദുരിതപൂർണമായിരുന്നു. പ്രയാസങ്ങൾ സഹിച്ച് കപ്പലിലൊക്കെ യാത്ര ചെയ്താണ് മുമ്പ് പോയിരുന്നത്. ഇന്ന് എല്ലാ സൗകര്യങ്ങളും വിശ്വാസികൾക്ക് ദൈവം നൽകി. ആധുനിക സൗകര്യങ്ങൾ വർധിക്കുമ്പോൾ പലപ്പോഴും ദൈവങ്ങളിൽ നിന്നും അകലുന്ന പ്രവണത സ്വാഭാവികമായും എല്ലാർക്കുമുണ്ടാകും. അപ്പോഴാണ് കോവിഡ് പോലുള്ള ചില മഹാമാരികൾ ദൈവം നമുക്ക് കാണിച്ച് തരുന്നത്. ഒരു സോപ്പോ സാനിറ്റൈസറോ ഉപയോഗിച്ചാൽ പോകുന്ന രോഗാണു ലോകം മുഴുവൻ രണ്ട് വർഷത്തോളം അടക്കി ഭരിച്ചിതും ദൈവം നമുക്ക് നൽകുന്ന സൂചനകളാണെന്നും മുരളീധരൻ പറഞ്ഞു.