ബി.ജെ.പി ഭരിക്കുന്ന കൊല്ലം കല്ലുവാതുക്കൽ പഞ്ചായത്തില്‍ യു.ഡി.എഫ് കൊണ്ടുവന്ന അവിശ്വാസ പ്രമേയം പാസായി

കൊല്ലം: കൊല്ലം ജില്ലയിൽ ബി.ജെ.പി ഭരിക്കുന്ന ഏക പഞ്ചായത്തായ കല്ലുവാതുക്കലിൽ യു ഡി എഫ് കൊണ്ടുവന്ന അവിശ്വാസ പ്രമേയം പാസായി. പ്രമേയത്തെ എൽ ഡി എഫ് പിന്തുണച്ചു. ഒമ്പതിനെതിരെ 14 വോട്ടിനാണ് പ്രമേയം പാസായത്. യു.ഡി.എഫിന്റെ എട്ട് അംഗങ്ങൾക്കൊപ്പം എൽ.ഡി.എഫിലെ ആറു പേരും പ്രമേയത്തെ പിന്തുണച്ചു. ബിജെപിയുടെ ഒമ്പത് അംഗങ്ങൾ എതിർത്തു.

പുതിയ പ്രസിഡന്റ്, വൈസ് പ്രസിഡന്റ് സ്ഥാനങ്ങളിലേക്കുള്ള തെരഞ്ഞെടുപ്പ് പിന്നീട് നടക്കും. 20 വർഷമായി എൽ.ഡി.എഫ് ഭരിച്ച കല്ലുവാതുക്കൽ പഞ്ചായത്തിലാണ് കഴിഞ്ഞ തവണ ബി.ജെ.പി ഭരണം പിടിച്ചത്.