കാസര്‍കോട് തോണി മറിഞ്ഞ് കാണാതായ മത്സ്യതൊഴിലാളികളിൽ മൂന്ന് പേരുടെ മൃതദേഹം കണ്ടെത്തി
കസബ സ്വദേശികളായ സന്ദീപ്, കാർത്തിക് , രതീഷ് എന്നിവരാണ് മരിച്ചത്. അപകടത്തില്‍പെട്ട നാല് പേരെ രക്ഷപ്പെടുത്തിയിരുന്നു
കാസർകോട് കീഴൂർ കടപ്പുറം ഹാർബറിൽ തോണി മറിഞ്ഞ് കാണാതായ മത്സ്യത്തൊഴിലാളികിൽ മൂന്ന് പേരുടെ മൃതദേഹം കണ്ടെത്തി. ഇന്നലെയായിരുന്നു അപകടം. കസബ സ്വദേശികളായ സന്ദീപ്, കാർത്തിക് , രതീഷ് എന്നിവരാണ് മരിച്ചത് . അപകടത്തില്‍പെട്ട നാല് പേരെ രക്ഷപ്പെടുത്തിയിരുന്നു.
ഞായറാഴ്ച പുലര്‍ച്ചെ അഞ്ചേമുക്കാലോടെ കാസര്‍കോട് കടപ്പുറം അഴിമുഖത്താണ് അപകടം. അഞ്ചരയോടെ ഏഴുപേരടങ്ങിയ മത്സ്യത്തൊഴിലാളികള്‍ മീന്‍പിടിക്കാന്‍ ഫൈബര്‍ തോണിയിലാണ് പുറപ്പെട്ടത്. കടപ്പുറത്തെ കണ്ടോതി ആയത്താരു ടെ ഉടമസ്ഥതയിലുള്ള 'സന്ദീപ് ' എന്ന പേരിലുള്ള തോണിയാണ് അപകടത്തില്‍പെട്ടത്.
നാലു പേര്‍ നീന്തി രക്ഷപ്പെടുകയായിരുന്നു. പരിക്കേറ്റ ഇവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.
Next Story
Adjust Story Font
16
