കാസർകോട് സ്വകാര്യ ബസ് തലകീഴായി മറിഞ്ഞ് അപകടം

കാസര്‍കോട്: പിലിക്കോട് മട്ടലായിയിൽ സ്വകാര്യ ബസ് മറിഞ്ഞ് അപകടം. കാസര്‍കോട്- കണ്ണൂര്‍ സ്വകാര്യ ബസാണ് അപകടത്തില്‍പ്പെട്ടത്. നിയന്ത്രണം വിട്ട ബസ് തലകീഴായി മറിയുകയായിരുന്നെന്നാണ് പ്രാഥമിക നിഗമനം. സംഭവത്തില്‍ നിരവധി യാത്രക്കാര്‍ക്ക് പരിക്കേറ്റു. ഇവരെ ചെറുവത്തൂരിലെ സ്വകാര്യ ആശുപത്രിയിലേക്ക് മാറ്റി. ആരുടെയും പരിക്ക് ഗുരുതരമല്ല. അപകടസ്ഥലത്ത് രക്ഷാപ്രവര്‍ത്തനം തുടരുകയാണ്.