അളവിൽ കൂടുതൽ ആളെ കയറ്റിയ കെ.എസ്.ആർ.ടി.സി ബസിന് പിഴയിട്ട് എം.വി.ഡി

തിരുവനന്തപുരം: തിരുവനന്തപുരത്ത് അപകടകരമായി അളവിൽ കൂടുതൽ ആളെ കയറ്റിയ കെ.എസ്.ആർ.ടി.സി ബസിന് പിഴ. തമ്പാനൂരിൽ വെച്ചാണ് എം.വി.ഡി ബസ് പിടിച്ചത്. വിഴിഞ്ഞം ഡിപ്പോയിലെ ബസിന്റെ സർവീസ് നിർത്തിവെപ്പിച്ചു.

ചൊവ്വാഴ്ച വൈകുന്നേരം തമ്പാനൂർ പരിസരത്ത് മോട്ടോർവാഹനവകുപ്പ് പരിശോധന നടത്തിയിരുന്നു. ഈ സമയത്താണ് അതുവഴി കെ.എസ്.ആർ.ടി.സി ബസ് അമിതമായി ആളുകളെ കയറ്റി വന്നത്. ബസിന്റെ ഒരു വശം ചരിഞ്ഞാണ് എത്തിയത്. ഇതിനെ തുടർന്നാണ് ബസിനെതിരെ നടപടിയെടുത്തത്.

നിരവധി യാത്രക്കാര്‍ ആ സമയം ബസിലുണ്ടായിരുന്നു. ഇക്കാര്യത്തിൽ വിശദീകരണം ലഭിച്ചതിന് ശേഷം മാത്രമേ ഇനി ബസ് സർവീസ് നടത്താവൂ എന്നും മോട്ടോർവാഹനവകുപ്പ് കെ.എസ്.ആർ.ടി.സിയെ അറിയിച്ചിട്ടുണ്ട്.