'മുനമ്പം ഭൂമി വഖഫ് ആണോ എന്ന് തീരുമാനിക്കേണ്ടത് കോടതി': യു​ഡിഎഫ് കൺവീനർ എം.എം ഹസൻ

തിരുവനന്തപുരം: മുനമ്പം വഖഫ് ഭൂമി വിഷയത്തിൽ പ്രതിപക്ഷനേതാവ് വി.ഡി.സതീശനെ തള്ളി യു.ഡി.എഫ് കൺവീനർ എം.എം. ഹസൻ. 'വഖഫ് ഭൂമിയാണോ എന്നതിൽ ഉത്തരം പറയേണ്ടത് UDF അല്ല, കോടതിയാണ്. പ്രതിപക്ഷ നേതാവ് പറഞ്ഞത് അ​ദ്ദേഹത്തോട് ചോദിക്കണമെന്നും ഹസൻ പറഞ്ഞു.

'മുനമ്പം വിഷയത്തിൽ ആശയക്കുഴപ്പം ഇല്ല. വിഷയത്തിൽ ലീഗ് പറഞ്ഞത് ലീഗിന്റെ നിലപാടാണ്. മുനമ്പത്ത് കുടിയൊഴിപ്പിക്കുന്ന ഘട്ടം വന്നാൽ UDF സമരം ചെയ്യും.' ഹസൻ പറഞ്ഞു.

'വയനാടിനോടുള്ള കേന്ദ്ര അവ​ഗണനയിൽ എൽഡിഎഫിനൊപ്പം പ്രതിഷേധിക്കാനില്ല. സർക്കാരിൻ്റെ പുനരധിവാസ പ്രവർത്തനങ്ങൾക്ക് പിന്തുണ നൽകുമെന്നും അദ്ദേഹം കൂട്ടിച്ചേർത്തു.