ബി.ജെ.പി പിന്തുണയോടെ രൂപീകരിക്കുന്ന നാഷണൽ പ്രോഗ്രസീവ് പാർട്ടിയുടെ പ്രഖ്യാപനം ഇന്ന്

കൊച്ചി: ബി.ജെ.പി പിന്തുണയോടെ രൂപീകരിക്കുന്ന ക്രൈസ്തവ പാർട്ടിയായ നാഷണൽ പ്രോഗ്രസീവ് പാർട്ടിയുടെ പ്രഖ്യാപനം ഇന്ന്. കൊച്ചിയിലെ സ്വകാര്യ ഹോട്ടലിൽ വച്ച് രാവിലെ 11 മണിക്കാണ് പാർട്ടി പ്രഖ്യാപിക്കുക.

Also Read:ജോണി നെല്ലൂര്‍ കേരള കോണ്‍ഗ്രസ് വിട്ടു; ബി.ജെ.പി പിന്തുണയുള്ള പുതിയ ക്രൈസ്തവ പാർട്ടിയില്‍ ചേരും

കേരള കോൺഗ്രസ് ജോസഫ് വിഭാഗത്തിൽ നിന്ന് രാജിവെച്ച ജോണി നെല്ലൂരിന് പുറമേ, മുൻ എം.എൽ.എമാരായ മാത്യു സ്റ്റീഫൻ, ജോർജ് മാത്യു, പി.എം മാത്യു അടക്കമുള്ളവരും പുതിയ പാർട്ടിയുടെ ഭാഗമാകും. സിറോ മലബാർ സഭയിലെ ചില ബിഷപ്പുമാരുടെ പിന്തുണയും പുതിയ പാർട്ടിക്ക് ഉണ്ടെന്നാണ് സൂചന. തീവ്ര ക്രിസ്ത്യൻ വിഭാഗമായ കാസയുടെ ജനറൽ സെക്രട്ടറി ജോയ് എബ്രഹാമും നാഷണൽ പ്രോഗ്രസീവ് പാർട്ടിയുടെ ഭാഗമാകും.