അട്ടപ്പാടിയില്‍ ആദിവാസി യുവതിയുടെ ഗര്‍ഭസ്ഥ ശിശുക്കള്‍ മരിച്ചു

പാലക്കാട്: അട്ടപ്പാടിയിൽ ആദിവാസി യുവതിയുടെ ഗർഭസ്ഥ ശിശുക്കൾ മരിച്ചു. പുതൂർ പഞ്ചായത്തിലെ വളളി (35)യുടെ ഇരട്ടക്കുട്ടികളാണ് മരിച്ചത്.

ഏഴ് മാസം ഗര്‍ഭിണിയായ വള്ളിയെ രക്തസ്രാവത്തെ തുടര്‍ന്നാണ് ആശുപത്രിയിലെത്തിച്ചത്. വളളിയുടെ നാലാമത്തെ പ്രസവമാണിത്. കഴിഞ്ഞ മാസവും അട്ടപ്പാടിയിൽ ശിശുമരണമുണ്ടായിരുന്നു.

പുതൂർ പഞ്ചായത്തിലെ ഇലച്ചിവഴിയിൽ മുരുകേശ്- ജ്യോതി ദമ്പതികളുടെ ഒരു വയസുളള മകൻ ആദർശ് ആണ് മരിച്ചത്. ശ്വാസം മുട്ടലിനെ തുടർന്ന് കോട്ടത്തറ ഗവ. ട്രൈബൽ സ്പെഷ്യാലിറ്റി ആശുപത്രിയിൽ പ്രവേശിപ്പിച്ച കുഞ്ഞിനെ കോയമ്പത്തൂരിലെക്ക് മാറ്റുന്നതിനിടെയാണ് മരിച്ചത്.