കേരള ടെലിവിഷൻ ഫെഡറേഷന് പുതിയ നേതൃത്വം; ബേബി മാത്യു സോമതീരം പ്രസിഡന്റ്

കേരള ടെലിവിഷൻ ഫെഡറേഷൻ പുതിയ ഭാരവാഹികളെ തെരഞ്ഞെടുത്തു. ജീവൻ ടി വി എംഡി ബേബി മാത്യു സോമതീരമാണ് പ്രസിഡന്റ്. കൈരളി ടി വി സീനിയർ ഡയറക്ടർ എം വെങ്കിട്ടരാമെനെ ജനറൽ സെക്രട്ടറിയായും ഏഷ്യാനെറ്റ് എക്‌സിക്യൂട്ടിവ് ഡയറക്ടർ കിഷൻ കുമാർ എം എസിനെ ട്രഷററായും തെരഞ്ഞെടുത്തു. എംവി നികേഷ് കുമാർ, ദർശൻ രവി എന്നിവരാണ് വൈസ് പ്രസിഡന്റുമാർ. ശ്രീകണ്ഠൻ നായർ, ആർ ശിവകുമാർ എന്നിവരെ ജോയന്റ് സെക്രട്ടറിമാരായും തെരഞ്ഞെടുത്തു. വാർഷിക പൊതു യോഗത്തിലാണ് ഭാരവാഹികളെ തെരഞ്ഞെടുത്തത്.

ചാനലുകളെ വ്യവസായമായി അംഗീകരിക്കുന്നതിന് വേണ്ടി വർഷങ്ങളായി നടത്തുന്ന പരിശ്രമം തുടരുമെന്ന് പ്രസിഡന്റ് ബേബി മാത്യു സോമതീരം പറഞ്ഞു.