പാലക്കാട്‌ ഉപതെരഞ്ഞെടുപ്പ്; ജില്ലാ പഞ്ചായത്ത് പ്രസിഡന്റ് കെ. ബിനുമോളെ പരിഗണിക്കാൻ സിപിഎമ്മിൽ ആലോചന

പാലക്കാട്: പാലക്കാട്‌ ഉപതെരഞ്ഞെടുപ്പിൽ ജില്ലാ പഞ്ചായത്ത് പ്രസിഡന്റ് കെ. ബിനുമോളെ പരിഗണിക്കാൻ സിപിഎമ്മിൽ ആലോചന. ഇന്ന് ചേർന്ന ജില്ലാ സെക്രട്ടറിയേറ്റിലാണ് ധാരണയായത്. ജില്ലാ സെക്രട്ടറിയേറ്റ് യോഗത്തിൽ ബിനു മോളുടേയും ജില്ലാ പഞ്ചായത്ത് അംഗവും ഡിവൈഎഫ്ഐ നേതാവുമായ സഫ്ദർ ഷരീഫ് എന്നിവരുടേയും പേരുകളാണ് ഉയർന്നുവന്നത്. ഈ രണ്ടു പേരുമായിരിക്കും സംസ്ഥാന കമ്മിറ്റിക്ക് ജില്ലാ കമ്മിറ്റി കൈമാറുക. ഇതിൽ പ്രഥമ പരിഗണന ബിനുമോൾക്കായിരിക്കും.

സിപിഎം ജില്ലാ കമ്മറ്റി അംഗവും അഖിലേന്ത്യ ജനാധിപത്യ മഹിളാ അസോസിയേഷൻ സംസ്ഥാന എക്‌സിക്യുട്ടീവ് അംഗവുമാണ് ബിനുമോൾ. അന്തരിച്ച സിപിഎം നേതാവ് ഇമ്പിച്ചിബാവയുടെ മരുമകളാണ്.