സംസ്ഥാന സെക്രട്ടറി നേരിട്ടെത്തിയിട്ടും കലഹം തീരാതെ പത്തനംതിട്ട സിപിഎം

പത്തനംതിട്ട: സിപിഎം സംസ്ഥാന സെക്രട്ടറി എം.വി ​ഗോവിന്ദൻ നേരിട്ടെത്തിയിട്ടും പത്തനംതിട്ട സിപിഎമ്മിൽ വിഭാഗീയത തുടരുന്നു‌. പുതിയ കൊടുമൺ ഏരിയ കമ്മിറ്റി സെക്രട്ടറിക്കെതിരെ പോര് രൂക്ഷം. പ്രവർത്തകരും നേതാക്കളും സമൂഹ്യമാധ്യമങ്ങളിൽ പോരടിക്കുകയാണ്. മൂടുതാങ്ങികൾക്കും പെട്ടിതാങ്ങികൾക്കും ഭാരവാ​ഹിത്വമെന്നാണ് ആക്ഷേപം.

ഏരിയാ സമ്മേളനത്തിൽ സെക്രട്ടറി സ്ഥാനത്തേക്ക് മത്സരം നടന്നിരുന്നു. വിജയിച്ച ആർ.ബി രാജീവ് കുമാറിനെതിരെയാണ് സമൂഹ്യമാധ്യമങ്ങളിൽ പരസ്യ വിമർശനമുയരുന്നത്.

ജില്ലാ സെക്രട്ടറി കെ.പി ഉദയഭാനുവിന്റെ പിന്തുണയോടെയാണ് ആർ.ബി രാജീവ് കുമാർ വിജയിച്ചത്. ഉദയഭാനുവിന്റെ വീടിരിക്കുന്ന ഏരിയ കമ്മിറ്റിയാണ് കൊടുമൺ.