ദുരന്തം വിട്ടുമാറാത്ത മുണ്ടക്കൈ; മാസങ്ങളായി ജോലിയില്ലാതെ ചുമട്ടുതൊഴിലാളികൾ

വയനാട്: നാടിനെ നടുക്കിയ മുണ്ടക്കൈ ചൂരൽമല ദുരന്തം കഴിഞ്ഞ് 6 മാസം പിന്നിട്ടിട്ടും ചുമട്ടുതൊഴിലാളികൾ ദുരിതത്തിൽ. ഉരുൾപൊട്ടൽ മേഖലയിൽ നിന്ന് തൊഴിലിടം മാറ്റി നൽകാത്തത് കാരണം തൊഴിലില്ലാത്ത അവസ്ഥയിലാണ് തൊഴിലാളികൾ.

വീടും നാടുമൊക്കെ നഷ്ടപ്പെട്ട ചൂരൽമല- മുണ്ടക്കൈ നിവാസികളുടെ ദുരിതങ്ങൾ ഇനിയും വിട്ടുമാറുന്നില്ല. 6 മാസമായി ജോലിയില്ലാതെ വലയുകയാണ് ചൂരൽ മലയിലെയും മുണ്ടക്കൈയിലെയും ചുമട്ടുതൊഴിലാളികൾ. ജോലിസ്ഥലം മാറ്റിക്കൊടുക്കണമെന്ന ആവശ്യവുമായി ലേബർ ഓഫീസിലും കലക്ടർ ഓഫീസിലും കയറി ഇറങ്ങിയിട്ടും അധികാരികൾ തങ്ങളെ അവഗണിക്കുന്നതായും തൊഴിലാളികൾ പറയുന്നു. ആറ് മാസമായിട്ടും തങ്ങളുടെ ക്ഷേമം അ​ന്വേഷിക്കാൻ ആരും എത്തിയിട്ടില്ലെന്നും തൊഴിലാളികൾ ചൂണ്ടിക്കാട്ടി.

ജില്ലയിൽ എവിടെ തൊഴിലെടുക്കാനും തയ്യാറാണെന്നും അതിനനുവാദം നൽകണമെന്നും ചുമട്ടുതൊഴിലാളികൾ മീഡിയവണിനോട് പറഞ്ഞു.