'ആറോ ഏഴോ വർഷം മുൻപ്‌ ഇത്‌ പറഞ്ഞവൻ ഇന്നൊരു പഞ്ചായത്ത്‌ മെമ്പർ പോലുമല്ല' പരിഹാസവുമായി പി.വി അൻവർ

കെ.എം ഷാജിയുടെ പഴയ പ്രസ്താവന കുത്തിപ്പൊക്കി പരിഹാസവുമായി പിവി അൻവർ എം.എൽ.എ. ഫേസ്ബുക് പോസ്റ്റിലൂടെയായിരുന്നു ഷാജിക്കെതിരെ അൻവറിന്റെ രൂക്ഷ പരിഹാസം.

'ആരാണീ പിണറായി വിജയൻ?

അയാൾ ഒരു പഞ്ചായത്ത്‌ മെമ്പറെങ്കിലും ആണോ?

ഞാൻ ഈ കേരള സംസ്ഥാനത്തെ ഒരു എം.എൽ.എയാണ്' കെ. എം ഷാജി മുമ്പ് ഒരു പ്രസംഗത്തിൽ പറഞ്ഞ വാക്കുകളാണിത്. ഇതിനെ ഉദ്ധരിച്ചായിരുന്നു അൻവറിന്റെ പരിഹാസം.

ആറോ ഏഴോ വർഷം മുൻപ്‌ ഇത്‌ പറഞ്ഞവൻ ഇന്ന് ഒരു പഞ്ചായത്ത്‌ മെമ്പർ പോലുമല്ല.. കെ. എം ഷാജിയുടെ വാക്കുകൾ ക്വോട്ട് ചെയ്ത് പി.വി അൻവർ കുറിച്ചു. 'അതേ പിണറായി വിജയൻ ആകട്ടെ നാളെ നമ്മുടെ സംസ്ഥാനത്തിന്റെ മുഖ്യമന്ത്രിയായി രണ്ടാം തവണയും സത്യപ്രതിജ്ഞ ചെയ്ത്‌ അധികാരമേൽക്കാൻ പോകുന്നു'.

നേരത്തെ നിയമസഭാ തെരഞ്ഞെടുപ്പിൽ അഴീക്കോട് നിന്ന് ഷാജി തോറ്റതിന് പിന്നാലെയും അൻവർ ഇതേ പരിഹാസം ഉന്നയിച്ചിരുന്നു. സി.പി.എം സ്ഥാനാർഥിയായ കെവി സുമേഷ് ആണ് ആറായിരത്തിൽപ്പരം വോട്ടുകൾക്ക് കെ.എം ഷാജിയെ തോല്പിച്ചത്.

പി.വി അൻവറിന്റെ ഫേസ്ബുക് കുറിപ്പ്

"ആരാണീ പിണറായി വിജയൻ?

അയാൾ ഒരു പഞ്ചായത്ത്‌ മെമ്പറെങ്കിലും ആണോ?

ഞാൻ ഈ കേരള സംസ്ഥാനത്തെ ഒരു എം.എൽ.എയാണ്."

ആറോ ഏഴോ വർഷം മുൻപ്‌ ഇത്‌ പറഞ്ഞവൻ ഇന്ന് ഒരു പഞ്ചായത്ത്‌ മെമ്പർ പോലുമല്ല..

അതേ പിണറായി വിജയൻ,നാളെ നമ്മുടെ സംസ്ഥാനത്തിന്റെ മുഖ്യമന്ത്രിയായി രണ്ടാം തവണയും സത്യപ്രതിജ്ഞ ചെയ്ത്‌ അധികാരമേൽക്കാൻ പോകുന്നു..

അഭിവാദ്യങ്ങൾ..