'രമ്യ ഹരിദാസ് മണ്ഡലത്തിനുവേണ്ടി ഒന്നും ചെയ്തില്ല': എൻ.കെ സുധീർ

പാലക്കാട്: ചേലക്കര യുഡിഎഫ് സ്ഥാനാർഥി രമ്യ ​ഹരിദാസ് എംപിയായിരുന്നപ്പോൾ മണ്ഡലത്തിനുവേണ്ടി ഒന്നും ചെയ്തില്ലെന്ന് ഡിഎംകെ സ്ഥാനാർഥി എൻ.കെ സുധീർ. പട്ടികജാതി വിഭാ​ഗത്തിലെ ജനങ്ങൾക്കുവേണ്ടി ഒരു ചെറുവിരൽ അനക്കാൻ പോലും രമ്യക്കായില്ലെന്നും സുധീർ മീഡിയവണിനോട് പറഞ്ഞു. നിരവധി രാജ്യങ്ങളിൽ ടൂർ നടത്തിയെന്നല്ലാതെ ഒന്നും ചെയ്തില്ലെന്നും സുധീർ കൂട്ടിച്ചേർത്തു.

'രമ്യയുടെ പ്രചാരണത്തിനായി മുന്നിലുണ്ടായിരുന്നത് അനിൽ അക്കരെയാണ്. അനിൽ അക്കര രമ്യയോട് വിശ​ദമായി സംസാരിച്ചിരുന്നു. എന്നാൽ അതൊന്നും കേൾക്കാൻ അവർക്ക് താൽപര്യമുണ്ടായിരുന്നില്ല. അഴിമതിക്കെതിരെയുള്ള‌ പോരാട്ടമാണ് പി.വി അൻവറിൻ്റേത്. പാവപ്പെട്ടവരെ സഹായിക്കുക എന്ന വലിയ ആശയവുമുണ്ട്. അൻവറിൻ്റെ തീരുമാനമായിരിക്കും എൻ്റെ തീരുമാനം.'- സുധീർ പറഞ്ഞു.