പരിഷ്കരിച്ച ശാസ്ത്രമേള മാനുവൽ ഈ വർഷമില്ല; മാറ്റം അടുത്ത തവണ മതിയെന്ന് വിദ്യാഭ്യാസ വകുപ്പ്

തിരുവനന്തപുരം: പരിഷ്കരിച്ച ശാസ്ത്രമേള മാനുവൽ ഈ വർഷം നടപ്പിലാക്കേണ്ടതില്ലെന്ന് തീരുമാനം. മാറ്റം അടുത്തവർഷം മതിയെന്ന് വിദ്യാഭ്യാസ വകുപ്പ്. സ്കൂൾതല മത്സരം പൂർത്തിയാക്കിയ ശേഷമുള്ള മാറ്റം മീഡിയവൺ വാർത്തയാക്കിയിരുന്നു. പിന്നാലെ അധ്യാപക സംഘടനകളും പ്രതിഷേധവുമായി രംഗത്തുവന്നു.

പൊതു വിദ്യാഭ്യാസ വകുപ്പ് തയ്യാറാക്കിയ പുതിയ സ്‌കൂൾ ശാസ്ത്രമേള മാന്വൽ ഈ വർഷം നടപ്പാക്കുന്നത് ഒഴിവാക്കണമെന്ന് കെഎസ്‌ടിഎ സംസ്ഥാന കമ്മിറ്റിയും ആവശ്യപ്പെട്ടിരുന്നു. പരിഷ്കരിച്ച മാന്വൽ പ്രകാരം ഈ വർഷം തന്നെ സ്കൂ‌ൾ ശാസ്ത്രമേള സംഘടിപ്പിക്കുന്നത് വലിയ പ്രയാസം സൃഷ്ടിക്കുമെന്നും സംഘടന വ്യക്തമാക്കിയിരുന്നു.