ഷാൻ വധം; കൊലയാളിസംഘത്തിന് സഹായം നൽകിയ ഒരാൾകൂടി അറസ്റ്റിൽ

എസ്ഡിപിഐ സംസ്ഥാന സെക്രട്ടറി അഡ്വ. കെ എസ് ഷാനെ കൊലപ്പെടുത്തിയ കേസിൽ ഒരാൾകൂടി അറസ്റ്റിൽ. കൊലയാളിസംഘത്തിന് സഹായം നൽകിയ ചേർത്തല സ്വദേശി അനിൽകുമാറാണ് അറസ്റ്റിലായത്. ഇതോടെ കേസിൽ പിടിയിലായവരുടെ എണ്ണം 17 ആയി.

ഗൂഢാലോചനയിൽ പങ്കെടുത്ത ആർഎസ്എസ് നേതാക്കന്മാർക്ക് രക്ഷപ്പെടാൻ സഹായം ചെയ്ത സുരേഷ് ബാബുവിനെ ഇക്കഴിഞ്ഞ മൂന്നിന് അറസ്റ്റ് ചെയ്തിരുന്നു. ആർഎസ്എസ് പ്രവർത്തകനായ ഇയാൾ ചേർത്തല സ്വദേശിയാണ്.