ആർ മാനസൻ സ്‌മാരക ദൃശ്യമാധ്യമ പുരസ്‌കാരം ഷിദ ജഗത്തിന്

ആലപ്പുഴ : ആലപ്പുഴ പ്രസ് ക്ലബ്ബിന്‍റെയും ആർ മാനസൻ സുഹൃത് വേദിയുടെയും ആഭിമുഖ്യത്തിൽ സൂര്യ ടി വി റിപ്പോർട്ടർ ആയിരുന്ന ആർ മാനസന്‍റെ സ്‌മരണക്കായി ഏർപ്പെടുത്തിയ ദൃശ്യ മാധ്യമ പുരസ്‌കാരം മീഡിയവൺ കോഴിക്കോട് ബ്യൂറോയിലെ സ്‌പെഷ്യൽ കറസ്‌പോണ്ടന്‍റ് ഷിദ ജഗത്തിന് . വീട് തകർന്ന കൂട്ടുകാരിക്ക് അഭയം നൽകിയ ഫാത്തിമ്മയുടെയും ദേവിയുടെ ചങ്ങാത്തം പ്രമേയമാക്കി മീഡിയവണിൽ സംപ്രേക്ഷണം ചെയ്‌ത ഹ്യുമൻ ഇന്‍ററസ്റ്റ് സ്റ്റോറിക്കാണ് പുരസ്‍കാരം .

10000 രൂപയും ഫലകവും ഉൾപ്പെട്ട പുരസ്കാരം ബുധനാഴ്ച ആലപ്പുഴ ചടയംമുറി സ്‌മാരകത്തിൽ നടക്കുന്ന ആർ മാനസൻ അനുസ്‌മരണ ചടങ്ങിൽ വെച്ച് മുൻ മന്ത്രി ജി സുധാകരൻ സമ്മാനിക്കും . മാതൃഭൂമി മുൻ ബ്യുറോ ചീഫ് എസ്.ഡി വേണുകുമാർ, ജന്മഭൂമി സ്പെഷ്യൽ കറസ്‌പോണ്ടന്‍റ് ആർ. അജയകുമാർ, മനോരമ ന്യൂസ്‌കൃ കറസ്‌പോണ്ടന്‍റ് റോയ് കൊട്ടാരച്ചിറ എന്നിവരടങ്ങിയ ജൂറിയാണ് അവാർഡ് ജേതാവിനെ തെരഞ്ഞെടുത്തത് . അനുസ്‌മരണ യോഗത്തിൽ ചടങ്ങിൽ പ്രസ് ക്ലബ് പ്രസിഡന്‍റ് എസ്. സജിത്ത് അധ്യക്ഷത വഹിക്കും. എസ്. ഡി വേണുകുമാർ അനുസ്മരണ പ്രഭാഷണം നടത്തും.