സിപിഎം അംഗത്വമെടുക്കാൻ ശോഭനാ ജോര്‍ജ്; മെമ്പര്‍ഷിപ്പിനായി അപേക്ഷ നൽകി
സിപിഎം ആലപ്പുഴ ജില്ലാ സെക്രട്ടറിക്ക് ശോഭനാ ജോർജ് അപേക്ഷ നൽകി.
സിപിഎം അംഗത്വമെടുക്കാൻ ഖാദി ബോര്‍ഡ് വൈസ് ചെയര്‍പേഴ്സനായിരുന്ന ശോഭനാ ജോർജ് തീരുമാനിച്ചു. സിപിഎം ആലപ്പുഴ ജില്ലാ സെക്രട്ടറിക്ക് ശോഭനാ ജോർജ് അപേക്ഷ നൽകി. കോൺഗ്രസിലേക്ക് മടങ്ങുമെന്ന അഭ്യൂഹത്തിനിടെയാണ് ശോഭനാ ജോർജിന്‍റെ നീക്കം.
അടുത്ത കാലത്ത് ചെറിയാന്‍ ഫിലിപ്പ് കോണ്‍ഗ്രസിലേക്ക് തിരിച്ചുപോയിരുന്നു. പിന്നാലെ ശോഭനാ ജോര്‍ജും കോണ്‍ഗ്രസിലേക്ക് തിരിച്ചുപോകുന്നുവെന്ന അഭ്യൂഹം ഉണ്ടായിരുന്നു. എന്നാല്‍ നിലവില്‍ കോണ്‍ഗ്രസിലേക്കില്ലെന്നാണ് ശോഭനാ ജോര്‍ജിന്‍റെ തീരുമാനം.
മൂന്നു തവണ കോണ്‍ഗ്രസ് ടിക്കറ്റില്‍ ചെങ്ങന്നൂരില്‍ നിന്ന് മത്സരിച്ച് ശോഭനാ ജോര്‍ജ് എംഎല്‍എയായിരുന്നു. സിപിഎം അംഗത്വമെടുക്കുന്നതു സംബന്ധിച്ച് പിന്നീട് മാധ്യമങ്ങളോട് പ്രതികരിക്കുമെന്നും ശോഭനാ ജോര്‍ജ് വ്യക്തമാക്കി.
Next Story
Adjust Story Font
16
