കെപിസിസി പുനഃസംഘടന: ചില നേതാക്കൾക്ക് പരാതിയുണ്ടെന്ന് താരിഖ് അൻവർ

കെപിസിസി പുനഃസംഘടനയിൽ ചില മുതിർന്ന നേതാക്കൾക്ക് പരാതിയുണ്ടെന്ന് എഐസിസി ജനറൽ സെക്രട്ടറി താരിഖ് അൻവർ. പുനഃസംഘടനയിൽ ഉമ്മൻ ചാണ്ടിക്ക് അതൃപ്തിയുണ്ടെന്ന് റിപ്പോർട്ടുണ്ടായിരുന്നു. ഇത് സ്ഥിരീകരിച്ചുകൊണ്ടാണ് താരിഖ് അൻവറിന്റെ പ്രസ്താവന.

സോണിയാ ഗാന്ധിയുമായി കൂടിക്കാഴ്ച നടത്താൻ ഉമ്മൻ ചാണ്ടി ഡൽഹിയിലെത്തിയിട്ടുണ്ട്. വേണ്ടത്ര കൂടിയാലോചനകളില്ലാതെയാണ് പാർട്ടി പുനഃസംഘടന നടക്കുന്നതെന്നാണ് എ, ഐ ഗ്രൂപ്പുകളുടെ പരാതി. ഉമ്മൻ ചാണ്ടിയും രമേശ് ചെന്നിത്തലയും ഈ പരാതി നേരത്തെ ഉന്നയിച്ചിരുന്നു. ഇത് പരിഗണിക്കാതെ മുന്നോട്ടുപോവുന്നതിൽ അതൃപ്തി വ്യക്തമാക്കാനാണ് ഉമ്മൻ ചാണ്ടി നേരിട്ട് ഡൽഹിയിലെത്തിയിരിക്കുന്നത്.