തൊടുപുഴ നഗരസഭയിലെ ചെയര്‍മാന്‍ തെരഞ്ഞെടുപ്പ് ഇന്ന്
ചെയര്‍മാനായിരുന്ന സനീഷ് ജോര്‍ജ് കൈക്കൂലിക്കേസില്‍ പ്രതിയായതോടെ രാജി വെച്ചിരുന്നു
ഇടുക്കി: ഇടുക്കി തൊടുപുഴ നഗരസഭയിലെ ചെയര്‍മാന്‍ തെരഞ്ഞെടുപ്പ് ഇന്ന് നടക്കും. ചെയര്‍മാനായിരുന്ന സനീഷ് ജോര്‍ജ് കൈക്കൂലിക്കേസില്‍ പ്രതിയായതോടെ രാജി വെച്ചിരുന്നു. യു.ഡി.എഫിന് ഭരണം തിരിച്ച് പിടിക്കാനുള്ള അനുകൂല സാഹചര്യം നിലവിലുണ്ട്.
സ്വതന്ത്രനായ സനീഷ് ജോർജിന് പുറമെ 35 അംഗ കൗണ്‍സിലില്‍ യു.ഡി.എഫിന് -13 ഉം എല്‍.ഡി.എഫിന് -12 ഉം ബി.ജെ.പിക്ക് - 8 ഉം അംഗങ്ങളാണ് ഉള്ളത്. യു.ഡി.എഫ് പ്രതിനിധിയായി വിജയിച്ച ശേഷം എല്‍.ഡി.എഫില്‍ ചേര്‍ന്ന കൗണ്‍സിലര്‍ മാത്യു ജോസഫിനെ കഴിഞ്ഞ ദിവസം ഹൈക്കോടതി അയോഗ്യനാക്കിയിരുന്നു.സ്വതന്ത്രനായ സനീഷ് ജോര്‍ജിന്‍റെ നിലപാടും തെരഞ്ഞെടുപ്പില്‍ നിര്‍ണായകമാണ്. യു.ഡി.എഫിലെ അസംതൃപ്തരെ കൂടെക്കൂട്ടി ഭരണം നിലനിർത്താനാകും എൽ.ഡി.എഫിൻ്റെ ശ്രമം.
Next Story
Adjust Story Font
16
