പാണ്ഡവർ അസ്ത്രങ്ങൾ സൂക്ഷിച്ചിരുന്ന സ്ഥലം ആസ്‌ത്രേലിയ; ശ്രീ ശ്രീ രവിശങ്കറിനെ ട്രോളി സോഷ്യൽ മീഡിയ

പാണ്ഡവർ അസ്ത്രങ്ങൾ സൂക്ഷിച്ചിരുന്ന സ്ഥലമാണ് ആസ്‌ത്രേലിയ എന്ന പുതിയ കണ്ടുപിടിത്തം നടത്തിയ ആർട്ട് ഓഫ് ലിവിങ് ഫൗണ്ടേഷൻ സ്ഥാപകൻ ശ്രീ ശ്രീ രവിശങ്കറിനെ ട്രോളി സോഷ്യൽ മീഡിയ. ശിഷ്യൻമാരുമായി സംവദിക്കുമ്പോൾ ഒരു ശിഷ്യന്റെ ചോദ്യത്തിന് മറുപടിയായാണ് രവിശങ്കറിന്റെ പ്രസ്താവന. ഇതിന്റെ വീഡിയോ വൈറലായതോടെയാണ് ട്രോളൻമാർ ആഘോഷം തുടങ്ങിയത്. ഇതിന്റെ ചുവടുപിടിച്ച് രസകരമായ നിരവധി അനുബന്ധ കാര്യങ്ങളും പലരും പോസ്റ്റ് ചെയ്തിട്ടുണ്ട്.