സി.പി.എം ഫലസ്തീൻ ഐക്യദാർഢ്യ സമ്മേളനത്തിന്റെ വേദിയിൽ നമസ്‌കരിച്ച് സമസ്ത സെക്രട്ടറി ഉമർ ഫൈസി മുക്കം

കോഴിക്കോട്: സി.പി.എം ഫലസ്തീൻ ഐക്യദാർഢ്യ സമ്മേളനത്തിന്റെ വേദിയിൽ നമസ്‌കരിച്ച് സമസ്ത സെക്രട്ടറി ഉമർ ഫൈസി മുക്കം. സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. ഫലസ്തീനിൽ ഇസ്രായേൽ ലക്ഷ്യമിടുന്നത് വംശീയ ഉന്മൂലനമാണെന്ന് മുഖ്യമന്ത്രി പറഞ്ഞു. ഇസ്രായേലിനെക്കൊണ്ട് എല്ലാ കളികളും കളിപ്പിക്കുന്നത് അമേരിക്കയാണെന്നും അദ്ദേഹം പറഞ്ഞു.

അനധികൃതമായി കയ്യേറിയ ഭൂമിയിൽനിന്ന് ഇസ്രായേൽ പിൻമാറണം. ഫലസ്തീനികൾക്കെതിരായ ഉപരോധം ഇസ്രായേൽ ഉടൻ അവസാനിപ്പിക്കണം. ഫലസ്തീനെ മാത്രമേ നാം അംഗീകരിച്ചിരുന്നുള്ളൂ. ഇസ്രായേലിനെ നാം അംഗീകരിച്ചിട്ടേയില്ലെന്നും മുഖ്യമന്ത്രി പറഞ്ഞു.