തൃശൂർ നഗരത്തിൽ യുവാവ് കുത്തേറ്റ് മരിച്ചു

തൃശൂർ: നഗരത്തിൽ യുവാവ് കുത്തേറ്റ് മരിച്ചു. ഒളരിക്കര സ്വദേശി ശ്രീരാഗ്(26) ആണ് മരിച്ചത്. രണ്ടു സംഘങ്ങൾ തമ്മിലുള്ള സംഘട്ടനത്തിനിടെയാണ് കൊലപാതകം. മറ്റ് മൂന്ന് പേർക്കും സംഘട്ടനത്തിനിടെ കുത്തേറ്റു.

ദിവാൻജിമൂല പാസ്പോർട്ട് ഓഫിസിന് സമീപത്തായിരുന്നു സംഘട്ടനം. കുത്തിയ യുവാവിനും പരുക്കേറ്റിട്ടുണ്ട്. ഇയാളെ സഹകരണ ആശുപത്രിയിൽ പ്രവേശിപ്പിച്ചിരിക്കുകയാണ്. രണ്ടുപേരെ മെഡിക്കൽ കോളജ് ആശുപത്രിയിലേക്ക് മാറ്റി.

ഇന്നലെ അർധരാത്രിയാണു സംഭവം. ശ്രീരാഗിന്‍റെ സഹോദരന്‍ ശ്രീനേഷ് ഉള്‍പ്പെടെയുള്ളവര്‍ക്കാണു പരിക്കേറ്റത്.

Summary: Youth stabbed to death in Thrissur