പുതിയ ആര്‍എസ്എസ് യൂണിഫോം വില്‍ക്കാനുണ്ട്, വില 250 രൂപ
പുതിയ ആര്‍എസ്എസ് യൂണിഫോം വില്‍ക്കാനുണ്ട്, വില 250 രൂപ
ആര്‍എസ്എസ് സംഘടനയുടെ 90 വര്‍ഷത്തെ വേഷം ഒക്ടോബറോടെ പുതിയ രൂപത്തിലാകും.
ആര്‍എസ്എസ് സംഘടനയുടെ 90 വര്‍ഷത്തെ വേഷം ഒക്ടോബറോടെ പുതിയ രൂപത്തിലാകും. കാക്കി നിക്കറിന് പകരം തവിട്ട് നിറമുള്ള പാന്റ്സാണ് പുതിയ യൂണിഫോം. ഒക്ടോബര്‍ 11 ഓടെ മുഴുവന്‍ ആര്‍എസ്എസ് പ്രവര്‍ത്തകരും പുതിയ യൂണിഫോം ഉപയോഗിച്ചു തുടങ്ങണമെന്നാണ് നിര്‍ദേശം.
പുതിയ യൂണിഫോമിന് വിലയും നിശ്ചയിച്ചു കഴിഞ്ഞു. ഒരു പാന്റിന് 250 രൂപയാണ് വില. നാഗ്‍പൂരിലെ ഹെഡ്ക്വാര്‍ട്ടേഴ്‌സിലാണ് പുതിയ യൂണിഫോം എത്തിയിരിക്കുന്നത്. കാക്കി നിക്കറും വെള്ള ഷര്‍ട്ടും യൂണിഫോം ആക്കുന്നത് സംഘടനയില്‍ നിന്നു യുവാക്കളെ പിന്തിരിപ്പിക്കുമെന്ന തിരിച്ചറിവില്‍ നിന്നാണ് വേഷം മാറാന്‍ ആര്‍എസ്എസിനെ പ്രേരിപ്പിച്ചത്. ആര്‍എസ്എസ് പ്രവര്‍ത്തകര്‍ക്കായി ആദ്യ ഘട്ടം ഏഴു ലക്ഷം പാന്റുകളാണ് വില്‍പ്പനക്കായി എത്തിച്ചിരിക്കുന്നത്. വിജയദശമി ദിനത്തിലാണ് പുതിയ യൂണിഫോമില്‍ ആര്‍എസ്എസ് എത്തുക. 2010 ല്‍ കാന്‍വാസ് ബെല്‍റ്റിന് പകരം ലെതല്‍ ബെല്‍റ്റ് വന്നതാണ് ഇതിന് മുമ്പ് യൂണിഫോമില്‍ വന്ന പരിഷ്‌കാരം. പുതിയ യൂണിഫോമിനൊപ്പം വെള്ള കാന്‍വാസ് ഷൂവും കാക്കി സോക്‌സും ഉണ്ട്. ആര്‍എസ്എസ് പ്രവര്‍ത്തകര്‍ പാന്റ് പരിഷ്‌കരണത്തോട് സമ്മിശ്രമായാണ് പ്രതികരിക്കുന്നത്.
Adjust Story Font
16
