മായാവതിക്കെതിരെ മോശം പരാമര്‍ശം: ബിജെപി മുന്‍ നേതാവ് അറസ്റ്റില്‍
മായാവതിക്കെതിരെ മോശം പരാമര്‍ശം: ബിജെപി മുന്‍ നേതാവ് അറസ്റ്റില്‍
മായാവതിക്കെതിരെ മോശം പരാമര്‍ശം നടത്തിയതിനെതിരെ പ്രതിഷേധം ശക്തമായതോടെ ഇയാള്‍ ഒളിവില്‍ പോവുകയായിരുന്നു.
യുപി മുന്‍ മുഖ്യമന്ത്രിയും ബിഎസ്പി നേതാവുമായ മായാവതിയെ ലൈംഗിക തൊഴിലാളിയോട് ഉപമിച്ച ബിജെപി ഉത്തര്‍ പ്രദേശ് മുന്‍ വൈസ് പ്രസിഡന്റ് ദയാശങ്കര്‍ സിങിനെ പൊലീസ് അറസ്റ്റ് ചെയ്തു. ഉത്തര്‍ പ്രദേശ് - ബീഹാര്‍ പൊലീസിന്റെ സംയുക്ത തെരച്ചിലില്‍ ബീഹാറിലെ ബുക്സാറില്‍ വച്ചാണ് അറസ്റ്റ് ചെയ്തത്.
മായാവതിക്കെതിരെ മോശം പരാമര്‍ശം നടത്തിയതിനെതിരെ പ്രതിഷേധം ശക്തമായതോടെ ഇയാള്‍ ഒളിവില്‍ പോവുകയായിരുന്നു. പട്ടികജാതി - പട്ടികവര്‍ഗ്ഗ വിഭാഗങ്ങള്‍ക്കെതിരായ അതിക്രമം, സ്ത്രീകളെ അപമാനിക്കല്‍, സമുദായിക ധ്രുവീകരണം തുടങ്ങിയ കുറ്റങ്ങള്‍ ആരോപിച്ച് ഇയാള്‍ക്കെതിരെ ബിഎസ്പി പരാതി നല്‍കിയിരുന്നു. വിവാദത്തെ തുടര്‍ന്ന് ദയാശങ്കര്‍ സിങിനെ 6 വര്‍ഷത്തേക്ക് ബിജെപി സസ്പെന്‍ഡ് ചെയ്തിട്ടുമുണ്ട്.
Adjust Story Font
16
