മാധ്യമങ്ങള്‍ സ്വയം നിയന്ത്രണം ഏര്‍പ്പെടുത്തണമെന്ന് പ്രധാനമന്ത്രി
മാധ്യമങ്ങള്‍ സ്വയം നിയന്ത്രണം ഏര്‍പ്പെടുത്തണമെന്ന് പ്രധാനമന്ത്രി
പ്രസ് കൗണ്‍സില്‍ ഓഫ് ഇന്ത്യയുടെ സുവര്‍ണജൂബിലി ആഘോഷങ്ങള്‍ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു പ്രധാനമന്ത്രി
മാധ്യമങ്ങള്‍ സ്വയം നിയന്ത്രണം ഏര്‍പ്പെടുത്തണമെന്ന് പ്രധാനമന്ത്രി. മാധ്യമങ്ങള്‍ക്ക് മേലുള്ള ബാഹ്യ ഇടപെടല്‍ സമൂഹത്തിന് ദോഷകരമാണെന്നും പ്രധാനമന്ത്രി നരേന്ദ്ര മോദിപറഞ്ഞു.
പ്രസ് കൗണ്‍സില്‍ ഓഫ് ഇന്ത്യയുടെ സുവര്‍ണജൂബിലി ആഘോഷങ്ങള്‍ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു പ്രധാനമന്ത്രി. അഭിപ്രായസ്വാതന്ത്ര്യം ഉയര്‍ത്തി പിടിക്കേണ്ട ചുമതല മാധ്യമങ്ങള്‍ക്കുണ്ട്. മാധ്യമസ്വാതന്ത്രത്തിന് മേല്‍ ഏതെങ്കിലും തരത്തിലുള്ള ബാഹ്യനിയന്ത്രണങ്ങള്‍ ഏര്‍പ്പെടുത്തുന്നത് സമൂഹത്തിന് യോജിച്ച നടപടിയല്ല.
അടിയന്തരാവസ്ഥ കാലത്ത് പ്രസ് കൗണ്‍സില്‍ ഓഫ് ഇന്ത്യ അടച്ചു പൂട്ടേണ്ടി വന്ന സംഭവം നമ്മള്‍ ഓര്‍ക്കണം. ശുചിത്വഭാരതമിഷനെ പിന്തുണയ്ക്കുന്നതില്‍ മാധ്യമങ്ങള്‍ കാണിച്ച ഉത്സാഹത്തെ അഭിനന്ദിച്ച പ്രധാനമന്ത്രി ചില തെറ്റുകളുടെ പേരില്‍ മാധ്യമങ്ങളെ കടന്നാക്രമിക്കുന്നതിനേയും വിമര്‍ശിച്ചു.
Adjust Story Font
16
