കോണ്‍ഗ്രസ്സില്‍ ചേരാനില്ലെന്ന് ജിഗ്നേഷ്മേവാനി
കോണ്‍ഗ്രസ്സില്‍ ചേരാനില്ലെന്ന് ജിഗ്നേഷ്മേവാനി
അതേസമയം ഗുജറാത്ത് തെരഞ്ഞെടുപ്പില്‍ കോണ്‍ഗ്രസ്സുമായുള്ള സഖ്യ സാധ്യത ജിഗ്നേഷ് തള്ളി കളഞ്ഞില്ല...
ഗുജറാത്ത് തെരഞ്ഞെടുപ്പിന്‍റെ പശ്ചാതലത്തില്‍ കോണ്‍ഗ്രസില്‍ ചേരുമെന്ന റിപ്പോര്‍ട്ടുകളെ തള്ളി ദളിത് സമര നായകന്‍ ജിഗ്നേഷ് മേവാനി. കോണ്‍ഗ്രസുള്‍പ്പെടെ ഒരു രാഷ്ട്രീയ പാര്‍ട്ടിയിലും ചേരില്ലെന്ന് മേവാനി പറഞ്ഞു. സംസ്ഥാനത്ത് ഇന്ന് വൈകീട്ട് രാഹുല്‍ഗാന്ധിയും പ്രധാനമന്ത്രിയും പ്രചാരണത്തിനെത്തും.
ഗുജറാത്തില്‍ ബിജെപിക്കെതിരെ മഹാസഖ്യം രൂപീക്കാന്‍ കോണ്‍ഗ്രസ് ശ്രമം തുടരുന്നതിനിടെയാണ് ജിഗ്നേഷ് മേവാനിയുടെ പ്രതികരണം. കോണ്‍ഗ്രസ്സില്‍ ചേരാന്‍ പദ്ധതിയില്ലെന്ന് വ്യക്തമാക്കിയ ജിഗ്നേഷ് പക്ഷേ കോണ്‍ഗ്രസ്സുമായുള്ള സഖ്യ സാധ്യത തള്ളി കളഞ്ഞില്ല.
പ്രചരണക്കളം ചൂട് പിടിച്ച സംസ്ഥാനത്ത് ഇന്ന് കോണ്‍ഗ്രസ്സ് ഉപാദ്ധ്യക്ഷന്‍ രാഹുല്‍ ഗാന്ധിയും പ്രധാനമന്ത്രി നരേന്ദ്രമോദിയും സന്ദര്‍ശനം നടത്തുന്നുണ്ട്. ഗാന്ധി നഗറില്‍ അക്ഷര്‍ധാം ക്ഷേത്രത്തിന്‍റെ സില്‍വര്‍ ജൂബിലി ആഘോഷമാണ് പ്രധാന മന്ത്രിയുടെ പ്രധാന പരിപാടി. തെക്കന്‍ ഗുജറാത്തിലാണ് രാഹുലിന്‍റെ സന്ദര്‍ശനം. നാളെ പട്ടേല്‍ അവകാശ സമര നായകന്‍ ഹര്‍ദിക് പട്ടേലിനെ രാഹുല്‍ കാണുമെന്ന് റിപ്പോര്‍ട്ടുകളുണ്ടെങ്കിലും കൂടിക്കാഴ്ചയുടെ സമയം നിശ്ചയിച്ചിട്ടില്ലെന്നാണ് ഏറ്റവും ഒടുവില്‍ ഹര്‍ദിക് വ്യക്തമാക്കിയത്.
Adjust Story Font
16
