ഓഹരി വിപണിയിൽ തകർച്ചയുടെ ദിനം

ബോംബൈ സൂചിക സെൻസെക്​സ്​ 1015 പോയിൻറ്​ താഴ്​ന്ന്​ 33,742ലാണ്​ ഇന്ന്​ വ്യാപാരം ആരംഭിച്ചത്​. 306 പോയിൻറ്​ താഴ്​ചയിൽ 10,359ലാണ്​​ നിഫ്​റ്റിയും വ്യാപാരം തുടങ്ങിയത്​

ഓഹരി വിപണിയിൽ തകർച്ചയുടെ ദിനം. ബോംബൈ സൂചിക സെൻസെക്​സ്​ 1015 പോയിൻറ്​ താഴ്​ന്ന്​ 33,742ലാണ്​ ഇന്ന്​ വ്യാപാരം ആരംഭിച്ചത്​. 306 പോയിൻറ്​ താഴ്​ചയിൽ 10,359ലാണ്​​ നിഫ്​റ്റിയും വ്യാപാരം തുടങ്ങിയത്​.

അമേരിക്കൻ സൂചിക ഡൗ ജോൺസിന്‍റെ പതനമാണ്​ ഏഷ്യൻ വിപണിയെ കാര്യമായി ബാധിച്ചത്​. ചരിത്രത്തിലാദ്യമായി ഡോ ജോൺസ്​ 1200 പോയിൻറ്​ നഷ്ടത്തിലേക്ക്​ വീണു.​ 4.6 ശതമാനമാണ്​ നഷ്​ടം. ​ ജപ്പാന്‍റെ നിക്കെ 5 ശതമാനത്തോളം നഷ്ടമാണ്​ നേരിട്ടത്​. ഒരു ഘട്ടത്തിൽ 1200 പോയിൻറ്​ താഴ്ന്ന്​ സെൻസെക്സ്​ 33,482 ലും നിഫ്​റ്റി 10,300ലേക്കും കൂപ്പുകുത്തി. ഡോളറിനെതിരെ രൂപയുടെ മൂല്യം 64.38 ആയി വർധിച്ചു. തിങ്കളാഴ്​ച അത്​ 64.06 ആയിരുന്നു. മൂലധന നേട്ടനികുതി (എൽ.ടി.സി.ജി.ടി) മൂലം രാജ്യത്ത്​ ഓഹരി വിപണി സമ്മർദ്ദത്തിലായിരിക്കുകയാണ്​.