മിഗ്21 വിമാനം പറപ്പിക്കാന്‍ വനിതകള്‍ക്ക് ഭയമെന്ന് ബിജെപി മന്ത്രി, രോഷം രേഖപ്പെടുത്തി സ്പീക്കര്‍
അത്തരത്തില്‍ പറയരുതെന്ന് മെഹ്‍വാളിന് കര്‍ശന നിര്‍ദേശം നല്‍കിയ സ്പീക്കര്‍ ഇത്തരമൊരു നിരീക്ഷണത്തോട് താങ്കള്‍ യോജിക്കു....
മിഗ്21 വിമാനങ്ങള്‍ പറപ്പിക്കാന്‍ വനിതകള്‍ക്ക് ഭയമാണെന്ന പ്രസ്താവന നടത്തിയ ബിജെപി എംപി വെട്ടിലായി. ലോക്സഭയില്‍ പ്രതിരോധ മന്ത്രി മനോഹര്‍ പരീക്കറിനോട് ഒരു ചോദ്യം ചോദിക്കുന്നതിനിടെയായിരുന്നു ബിജെപിയുടെ ചീഫ് വിപ്പ് കൂടിയായ അര്‍ജുന്‍ രാം മെഹ്‍വാളിന്‍റെ വിവാദ പ്രസ്താവന. അപകടനിരക്ക് കൂടുതലായതിനാല്‍ മിഗ് വിമാനങ്ങള്‍ ഉപയോഗിക്കാന്‍ വനിതകള്‍ മടി കാണിക്കുന്നുവെന്നായിരുന്നു പ്രസ്താവന. എംപിയുടെ പ്രസ്താവന സ്പീക്കര്‍ സുമിത്ര മഹാജനെ തെല്ലൊന്നുമല്ല അലോരസപ്പെടുത്തിയത്. അത്തരത്തില്‍ പറയരുതെന്ന് മെഹ്‍വാളിന് കര്‍ശന നിര്‍ദേശം നല്‍കിയ സ്പീക്കര്‍ ഇത്തരമൊരു നിരീക്ഷണത്തോട് താങ്കള്‍ യോജിക്കുന്നുണ്ടോയെന്ന് പരീക്കറിനോട് ചോദിച്ചു. ഇല്ലെന്ന് മന്ത്രി ഉടന്‍ തന്നെ മറുപടിയും നല്‍കി.
എന്നാല്‍ ഇത്തരത്തിലുള്ള അനാവശ്യ ഭയം ഒഴിവാക്കാന്‍ സ്കൂള്‍ തലത്തിലും എന്‍സിസിയിലും പ്രത്യേക ബോധവത്ക്കരണം വേണമെന്നാണ് താന്‍ ഉദ്ദേശിച്ചതെന്ന് ചീഫ് വിപ്പ് വിശദമാക്കി.
Adjust Story Font
16
