മോദി നുണയനെന്ന് വാജ്പേയിയുടെ അനന്തരവള്‍
മോദി നുണയനെന്ന് വാജ്പേയിയുടെ അനന്തരവള്‍
പ്രധാനമന്ത്രി നരേന്ദ്ര മോദിക്കെതിരേ രൂക്ഷ വിമര്‍ശനവുമായി മുന്‍ പ്രധാനമന്ത്രി അടല്‍ ബിഹാരി വാജ്പേയിയുടെ അനന്തരവള്‍ രംഗത്ത്.
പ്രധാനമന്ത്രി നരേന്ദ്ര മോദിക്കെതിരേ രൂക്ഷ വിമര്‍ശനവുമായി മുന്‍ പ്രധാനമന്ത്രി അടല്‍ ബിഹാരി വാജ്പേയിയുടെ അനന്തരവള്‍ രംഗത്ത്. 65കാരിയായ കരുണ ശുക്ലയാണ് മോദിക്കെതിരെ കടുത്ത ആരോപണങ്ങളുമായി രംഗത്തുവന്നത്. മോദി നുണയനാണെന്നും തെരഞ്ഞെടുപ്പില്‍ ജയിക്കാനായി തെറ്റായ വാഗ്ദാനങ്ങള്‍ നല്‍കുകയാണെന്നും കരുണ ശുക്ല ആരോപിച്ചു. 32 വര്‍ഷം ബിജെപിയില്‍ പ്രവര്‍ത്തിച്ച ശേഷം മനംമടുത്ത് പാര്‍ട്ടി വിട്ട കരുണ, ഇപ്പോള്‍ കോണ്‍ഗ്രസില്‍ അംഗമാണ്. ''തന്റെ ജീവിതത്തില്‍ ഇതുവരെ നിരവധി സര്‍ക്കാരുകള്‍ അധികാരത്തില്‍ എത്തിയതിന് സാക്ഷ്യംവഹിച്ചിട്ടുണ്ട്. എന്നാല്‍ നുണകള്‍ മാത്രം പറഞ്ഞ് വിശ്വസിപ്പിച്ച് ഒരാള്‍(മോദി) തെരഞ്ഞെടുപ്പില്‍ വിജയിക്കുന്നതും അധികാരത്തിലെത്തുന്നതും ആദ്യമായാണ് കാണുന്നതെന്നും കരുണ പറഞ്ഞു. ജെഎന്‍യു വിദ്യാര്‍ഥി നേതാവ് കനയ്യ കുമാറിന്റെ ആസാദി മുദ്രാവാക്യം കടമെടുത്ത കരുണ, ആര്‍എസ്എസില്‍ നിന്നും കടുത്ത ഹിന്ദുത്വവാദത്തില്‍ നിന്നും സ്വാതന്ത്ര്യം വേണമെന്ന് പറഞ്ഞു. 2009 ല്‍ കോണ്‍ഗ്രസ് സ്ഥാനാര്‍ഥി ചരണ്‍ ദാസ് മഹാന്ദിനെ പരാജയപ്പെടുത്തി പാര്‍ലമെന്റ് അംഗമായ കരുണ, 2014 ഫെബ്രുവരി 27 നാണ് ബിജെപി വിട്ട് കോണ്‍ഗ്രസില്‍ ചേര്‍ന്നത്.
Adjust Story Font
16
