ഓടിക്കൊണ്ടിരുന്ന കാറില്‍ വനിതാ ഡോക്ടറെ അപമാനിക്കാന്‍ ശ്രമം; ഒല ഡ്രൈവര്‍ ഉള്‍പ്പെടെ 3 പേര്‍ അറസ്റ്റില്‍
ഓടിക്കൊണ്ടിരുന്ന കാറില്‍ വനിതാ ഡോക്ടറെ അപമാനിക്കാന്‍ ശ്രമം; ഒല ഡ്രൈവര്‍ ഉള്‍പ്പെടെ 3 പേര്‍ അറസ്റ്റില്‍
കാര്‍ ഡൈവര്‍ വെങ്കിടേശന്‍, ശക്തിവേല്‍, പാണ്ടി എന്നിവരെയാണ് അറസ്റ്റ് ചെയ്തത്
ഓടിക്കൊണ്ടിരുന്ന കാറില്‍ വച്ച് ഒല കാബ് ഡ്രൈവറും സുഹൃത്തുക്കളും ചേര്‍ന്ന് വനിതാ ഡോക്ടറെ അപമാനിക്കാന്‍ ശ്രമം. സംഭവത്തില്‍ മൂന്നു പേരെയും പൊലീസ് അറസ്റ്റ് ചെയ്തു. കാര്‍ ഡൈവര്‍ വെങ്കിടേശന്‍, ശക്തിവേല്‍, പാണ്ടി എന്നിവരെയാണ് അറസ്റ്റ് ചെയ്തത്. ഞായറാഴ്ച ചെന്നൈ ഇഞ്ചംപാക്കത്താണ് സംഭവം നടന്നത്.
അണ്ണനഗര്‍ ആശുപത്രിയിലെ ഡോക്ടറായ യുവതി ഇഞ്ചംപാക്കത്തുള്ള സുഹൃത്തിനെ സന്ദര്‍ശിക്കാന്‍ പോകുന്നതിനിടെയാണ് അപമാന ശ്രമമുണ്ടായത്. രാത്രി ഏഴ് മണിയോടെയാണ് ഒല കാബ് ബുക്ക് ചെയ്തത്. കാബില്‍ ഡോക്ടര്‍ കയറി 300 മീറ്റര്‍ പിന്നിട്ടു കഴിഞ്ഞ് കാര്‍ അമൈതി കോവിലിലെത്തിയപ്പോള്‍ രണ്ട് പേര്‍ കൂടി കാറില്‍ കയറി. തന്റെ ഉറ്റ സുഹൃത്തുക്കളാണെന്ന് അവരെന്ന് ഡ്രൈവര്‍ ഡോക്ടറോട് പറയുകയും ചെയ്തു. കുറച്ചു സമയം കഴിഞ്ഞപ്പോള്‍ സുഹൃത്തുക്കളിലൊരാള്‍ യുവതിയെ അപമാനിക്കാന്‍ ശ്രമിച്ചു. യുവതിയുടെ ഉച്ചത്തിലുള്ള നിലിവിളി കേട്ട മറ്റൊരു കാറിലെ യാത്രക്കാരന്‍ ഉടന്‍ തന്നെ പൊലീസിനെ അറിയിച്ചു. ഒല കാബിനെ പിന്തുടര്‍ന്ന പൊലീസ് നീലനഗരൈയില്‍ വച്ച് ഇവരെ പിടികൂടുകയായിരുന്നു. ഡ്രൈവറായ വെങ്കിടേശന്‍ പൊലീസ് പിടിയിലായെങ്കിലും മറ്റ് രണ്ട് പേര്‍ രക്ഷപെടുകയായിരുന്നു. പിന്നീട് വെങ്കിടേശന്‍ നല്‍കിയ അനുസരിച്ചാണ് രണ്ട് പേരെ പിടികൂടിയത്. മൂന്ന് പേര്‍ക്കെതിരെ പൊലീസ് കേസെടുത്തിട്ടുണ്ട്.
Adjust Story Font
16
