റയില്‍വേ ട്രാക്കില്‍ ഇരിക്കുകയായിരുന്ന യുവാക്കളെ ട്രയിനിടിച്ചു; 6 പേര്‍ മരിച്ചു
റയില്‍വേ ട്രാക്കില്‍ ഇരിക്കുകയായിരുന്ന യുവാക്കളെ ട്രയിനിടിച്ചു; 6 പേര്‍ മരിച്ചു
ഉത്തര്‍പ്രദേശിലെ ഹാംപൂര്‍ ജില്ലയില്‍ ഞായറാഴ്ച രാത്രിയാണ് സംഭവം
റയില്‍വേ ട്രാക്കില്‍ ഇരിക്കുകയായിരുന്ന യുവാക്കളെ ട്രയിനിടിച്ചു, ആറ് പേര്‍ കൊല്ലപ്പെട്ടു. ഒരാളെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. ഉത്തര്‍പ്രദേശിലെ ഹാംപൂര്‍ ജില്ലയില്‍ ഞായറാഴ്ച രാത്രിയാണ് സംഭവം.
ദിവസവേതനക്കാരായ തൊഴിലാളികളാണ് മരിച്ചത്. പെയിന്റിംഗ് ജോലിക്കായി ഗസിയാബാദില്‍ നിന്നും ഹൈദരാബാദിലേക്ക് പോവുകയായിരുന്നു ഇവര്‍. എന്നാല്‍ തീവണ്ടി കിട്ടാത്തതിനെത്തുടര്‍ന്ന് തിരികെ സാദിക്പുരയിലെ പില്‍ക്വായിലുള്ള ട്രാക്കിലെത്തി വിശ്രമിക്കുകയായിരുന്നു. ചെവിയില്‍ ഇയര്‍ഫോണും വച്ച് അലസമായിട്ടായിരുന്നു പാളത്തില്‍ യുവാക്കള്‍ ഇരുന്നതെന്ന് ദൃക്സാക്ഷികള്‍ പറഞ്ഞു. ഈ സമയം അതിവേഗത്തിലെത്തിയ തീവണ്ടി ഇവരെ ഇടിച്ചു തെറിപ്പിക്കുകയായിരുന്നു. അഞ്ച് പേര്‍ സംഭവസ്ഥലത്ത് വച്ച് തന്നെ മരിച്ചു. ആറാമത്തെ ആള്‍ ആശുപത്രിയില്‍ വച്ചാണ് മരിച്ചത്. സംഭവത്തെത്തുടര്‍ന്ന് സ്ഥലത്ത് സംഘര്‍ഷാവസ്ഥ ഉടലെടുത്തിട്ടുണ്ട്.
Adjust Story Font
16
