എല്ലാ ദിവസവും ഒരേ ട്രെയിനിനെ പിന്തുടരുന്ന നായ; മുംബൈ റയില്‍വേ സ്റ്റേഷനില്‍ നിന്നൊരു വീഡിയോ കാണാം

ജനുവരി 2 മുതലാണ് പെണ്‍ നായയെ ഇവിടെ കാണാന്‍ തുടങ്ങിയത്

മുംബൈ റയില്‍വേ സ്റ്റേഷനില്‍ എല്ലാ ദിവസവും ഒരേ ട്രെയിനിനെ പിന്തുടരുന്ന നായ കൌതുകമാകുന്നു. എന്തുകൊണ്ടാണ് നായ ഇങ്ങിനെ പെരുമാറുന്നതെന്ന ചിന്തയിലാണ് യാത്രക്കാരും മറ്റുള്ളവരും. ജനുവരി 2 മുതലാണ് പെണ്‍ നായയെ ഇവിടെ കാണാന്‍ തുടങ്ങിയത്. രാത്രി 11ന് ട്രയിനെത്തുമ്പോള്‍ അതിന് പിന്നാലെ ഓടുന്നതും ലേഡീസ് കമ്പാര്‍ട്ട്മെന്റില്‍ എന്തോ തിരയുന്നതു കാണാം. തീവണ്ടി പോകുമ്പോള്‍ ഈ തെരുവ് നായയും തിരിഞ്ഞു നടക്കും.ഒന്നുകില്‍ തന്റെ മക്കളെയോ അല്ലെങ്കില്‍ ഉടമസ്ഥനെയോ ആയിരിക്കും നായ തിരയുന്നതെന്ന നിഗമനത്തിലാണ് യാത്രക്കാര്‍.